سلطات غير شكل ... تهبل
 

:0136::0136::0136:نيو اليوم ..





_سلطة بتبلية الزعتر والشبت
__سلطة أكواب البطاطس
_سلطة الخضار المقلية
_سلطة البصل الأبيض
_سلطة رولات الباذنجان



_ سلطة بتبلية الزعتر والشبت

المقادير ..

خس أمريكي او خس عادي
مقطع طوال ..
زيتون شرايح سواء أخضر او أسود
خبز مقطع ومشوحينه على النار مع زيت الزيتون
والزعتر << كمية الزعتر كثيرة شوي تغطي الخبز تمام



التبيله
علبة زبادي
علبة سوس رانس للسلطات
نص حزمة شبت وملعقتين زعتر وممكن تكون بقدونس او كزبرة
بس شخصياً بالشبت أطعم كثير حسيتها ..
ملح وليمون وزيت زيتون..
نخلطهم بالخلاط الكاس لحد ما يصير الون أخضر


نحط بالطبق الي نقدمة الخس بعدين رشة زيتون
بعدها نرش عليها الخبز وبالأخير السوس
ونرجع نكرر نفس الطبقات ..
آخر طبقة رشيت عليها شوية بابريكا وزعتر





_سلطة أكواب البطاطس

المقادير..
بطاطس مسلوق

الحشوة ..
جبن كريم / جبن موتزريلا
ملح وفلفل
هوت دوق مقطع مكعبات
جزر مقطع مكعبات ومسلوق
بازلا مسلوقه
مشروم مشوح على النار
زيتون شرايح
ذره

الحلو بالسلطة هذي تعتمد على الذوق والإبداع
أو محبة الشخص لأشياء معينه

الطريقة ..

نسلق البطاطس ونفرغه
ونزيد عليه الجبن الكريمي
وملح وفلفل ونرجع نرجعه للبطاس مره ثانيه
نحط فوق البطاطس كل شي جهزناه
أو اي شي تحبونه ..
نرش عليه جبن الموتزريلا
وندخله الفرن دقايق يدفى
وتذوب الموتزريلا







وصحتين

_سلطة الخضار المقلية
المقادير

زهره مقليه
بصل مقلي
بطاطس مقطع شرايح ومقلي
بصل أخضر
خيار
خس أمريكي
فلفل بارد الوان أحمر/ أخضر/ أصفر


الطريقة
نخلط كل شي مع بعض الا البصل ..

نبدأ بخلط السوس
عبارة عن ..
2 علبة زبادي
2 ملعقة طحينه
1ملعقة مايونيز

ملح / ليمون

على النار نكون مشوحين بقدونس وثوم
نحطه على خلطة الزبادي
نحط الخضار بالصحن ونحط فوقه التبيله
وبعدها البصل المقلي عليه


ونقدمها زي ما نحب ..



وصحتين وعافية ..
_سلطة البصل الأبيض :
3 حبات بصل أبيض مقطع شرائح
نص حبه من كل من فلفل بارد أحمر/ أخضر/ أصفر
نص كاس فاصوليا خضراء
نص كاس بروكلي ..
نص كاس مشروم مشوح على النار
نص كاس فاصوليا حمراء


تخلط جميع المقادير

السوس

تتبل بفنجان شاهي خل مع 1 ملعقة سكر بودره
2 ملعقة دبس رمان
2 ملعقة الصوص الفرنسي ..




تخلط جميع المقادير مع السوس وتقدم ..



وصحتين وعافية يارب





_سلطة رولات الباذنجان

المقادير

باذنجان حجم كبير
بقدونس
بطاطس مقطع مكعبات صغيرة ومقلي
طماطم بدون لب مقطع مكعبات صغيرة

نقطع الباذنجان شرايح بالطول وتقلى
بعد القلي توضع بصحن فيه زيت زيتون
ملح وثوم وليمون ونقلبها من كل الجهات

نبدأ ناخذ وحدة وحده

ونحشيها بالحشوة

الحشوة هي الطماطم والبطاطس والبقدونس
متبلينهم بملح وليمون وشوي ثوم وزيت زيتون

نلفها مثل الأصابع
الصور توضح ..



نحطها بصحن التقديم
نخلط علبة زبادي
1 ملعقة مايونيز
ملح/ ليمون

ونحطه على أصابع الباذنجان
نرش السماق والنعناع الجاف


وتقدم زي ماتحبون

رد: سلطات غير شكل ... تهبل
 

مشكورة حبيبتي جزاك الله خير وينور ربي ب دنياك امين

رد: سلطات غير شكل ... تهبل
 

مشكورة

رد: سلطات غير شكل ... تهبل
 

يسلمو ياقلبي

رد: سلطات غير شكل ... تهبل