ازياء - فساتين سهرة و مكياج و طبخ - أكبر قهر لا من تبسمت مقهور !!!!!!

ثمّن كلامك فاتحن فمك .. مسرور
واحشم مكانك . . منت قاعد بسكره !!
ماينجبر كسرك . . ولو كنت مجبور
كسر الجبر أهون من اصلاح . . كسره !!
وجبر الكسير احيان . . بيدين دكتور
وكسر الجبير احيان . . باسباب جبره !!!
ياصاحبي والشعر . . جائز ومحظور
حتى المجاز احيان . . يجبرك حظره !!
ولاجت قصيدتها . . تتالو على الدور!!
شخصن يهني . . وشخص بالغ بشكره
مثل القماش الي (( تطارحبه )) الثور
والثور هايج . . وانت ثورن من أسره !!
بعض البشر . . يرفع مقامه عن البور
والبعض الآخر . . هو من ايحط قدره !!
وشخصن يجرك من غلا حرف . . مجرور
وشخصن على الويلات . . يكسرك جره!!
وشخصن تعادل غيبته .. حشمة احضور
وشخصن حضوره ماوزن ربع . . ذرّه!!
أكبر قهر لامن تبسّمت . . مقهور!!
إكظم قَهَرْك . . وخل ضحك .. لقهره !!
والي يبي الطولات . . لاشك ماجور
والا الحقير ادري بنفسه . . اتحقره !!
وادري العيون الحور . . تفرق عن العور
مثل الغني يومه يقارن . . بفقره
ماقول يا شعري وانا صرت مشهور
هذي الفرايد جتك يالشيخ !! زفره
شاورتها قالت : خفايف ولا اتثور
وهذي غلاها . . مثل خيطن بمكره
مسرح رجولة شخصك اليوم بالدور
إخراجها فاشل . . وانا ابصم بعشره !!
مشكور!!؟ . . إيوالله .. من قلب مشكور
ماطاح رجالن من العين حسره!!
والا الخبل . . مايستره لبس مستور!!
الشق واضح لو تغطى بستره !!
والتربيه ماهي قلم خط واسطور
والي ربا باقذار . . طينته قذره !!
شخصن توده . . قبل ينطق على الفور
وشخصن من اول كلمتين . . اتخسره
بعض البشر . . قدره كما وزن عصفور!!
والبعض بحرن والكرم . . موج بحره
يلزم تكون ف بعض الاحيان . . مغرور
لأن الغرور بحضرة الآش . . حقره !!
ماهمني طرد الغواني مع الحور
أنا اهتمامي صعب توصل لحصره !!
والا انت ياجاهل . . مسامح ومعذور
من كلمتن والدافع اشره .. وأشره
هذي القوافي جتك يالشيخ .. بالدور
واعرف بداية كل بركان .. جمره !!!!
صحيح انا ماني على الرد مجبور
حبيت اوضح كل شخصن . . وقدره !!!