ازياء - فساتين سهرة و مكياج و طبخ - في داخلي شي عن الناس مستور

- ادب و خواطر (https://fashion.azyya.com/40)

- - في داخلي شي عن الناس مستور (https://fashion.azyya.com/192962.html)

في داخلي شي عن الناس مستور

في داخلي شي.. عن الناس مستور
حرك سكون القلب .. والقلب لباه

شي ٍ غريب من اغرب انواع الشعور
عجزت ادور وش هو سره ومعناه

مدري غلا .. ولا حزن .. ولا سرور
مدري بداية فرح .. ولا معاناه !

لي صاحب ٍ في طلته يشرق النور
ولاغاب عني .. غيب النور وياه

من يوم شفته والحشا فيه مبهور
حلو الوصايف كل شين يتعداه

لا مر طيفه يرقص القلب مسرور
و يتبع سروره رغبة ٍ في ملاقاه

معذور قلبي لو تمناه معذور
الطيب كله ساكن ٍ في محياه

عن غيبته اصبحت ماني بمقدور
نار الوله تشتعل بي بعد فرقاه

قلبي فبعاده حاير ٍ حيل مكسور
يالله ترسي مركبي صوب مرساه

وافي و اسمه دوم بالخير مذكور
عسى السعاده ماتفارق شفاياه

الردود:):)

رد: في داخلي شي عن الناس مستور

روعه
صح لسانك
واصلي ابداعك
يعطيك العافيه قلبي
سلمة يمناك
تقبلي مروري
رعشة خفوق

رد: في داخلي شي عن الناس مستور

يعطيك العافيه

رد: في داخلي شي عن الناس مستور

تسلمون حبايبي انتم الاروع
مشكورين ومنورين الموضوع