انا اكبر من عيوبك وعيب انك عرفتيني
 

انا ماشفت نفسي يوم لأني منخلق من طين
ولو اسمي وصل عالي بظل اللي عرفتيني

ولكن للأسف هانت ليالينا بغمضة عين
وعلى الفرقا من اسبابك نعم انتي جبرتيني

توصيتي بطعناتي وبعد ماتنزف السكين
وقبل لاألفظ انفاسي على نفسي توصيني !

دخيلك قلبي الوافي تخلينه ولاتطرين
وراس اللي تحبينه تصدي عن مدى عيني

وصلتي حق نهاياتي وشاللي بس بقى تنهين
وعلى ماظن ماباقي ولاحاجه تحس فيني

مدام انك تحبيني وبنفس الوقت ماتوفين
ومدام انك وفيتي له وبنفس الوقت خنتيني

وشاللي بس تحسينه ؟ اذا انتي كنتي تحسين
تحبيني وتحبينه وتحبينه وتحبيني

حضنتي قلبي ونمتي وعلى صوتي انا تصحين
وإلا منك تمللتي تحضنينه وتمسيني

ماحال تصير في الدنيا بشر في داخله قلبين
تبينه بقلب وفي قلبك بعد قلب يناديني

انا مابيك لو انك على الفرقا دهر تبكين
صعب ارضي بنزواتك ولو حتى بغيتيني

ثلاث سنين او اربع وكاد انها كثير سنين
بعد هذا العمر كله على ايامي صدمتيني

بعد لاتنطقي بكلمة رجيتك اسكتي تكفين
اخافك ان تكلمتي خطأ باسمه تسميني

واذا مره ذكرتيني مع الايام تبتنسين
ويبقى لك مثل ذكرى جميلة لاذكرتيني

كثير اللي يتمنونك واكيد انك تبي تلقين
وانسي يوم مانتي تمنيتي ولقيتيني

انا وش جابني لدربك انا وين وغرامك وين
انا اكبر من عيوبك وعيب انك عرفتيني

وانسي انك ذبحتيني وامانه ادفني السكين
وعلى قبري بدال اسمي ابي كلمة (خسرتيني)









--

رد: انا اكبر من عيوبك وعيب انك عرفتيني
 

رد: انا اكبر من عيوبك وعيب انك عرفتيني
 

رد: انا اكبر من عيوبك وعيب انك عرفتيني
 

كلمات رائعة يعجز السان عن وصفها


فهي مشاعر صادقه من ينابيع قلبك


وجميله وأكثر من رائعة


الإبداع والروعة هي من صفتك


وحروفك فلسفه في منتهى


الروعة حروف كالأنغام الموسيقية



حيرت القلوب قبل العيون


أعجبت كثيرا بما خطه قلمك


وما نثره فكرك


دمتي مبدعة

رد: انا اكبر من عيوبك وعيب انك عرفتيني