قصيدة لشاب فقير خطب بنت عمه
https://photos2.azyya.com/store/uploa...35dd169128.gif
قصيدة لشاب فقير خطب بنت عمه . . قصيدة اعجبتني !!! وأضحكتني جدآ :ghjgjh: سبحان من يرزق بتوع الملاين *** الرازق اللي ما يخيب الرجا به لي عم عنده معرضٍ للصوالين *** أموت واعرف بس من وين جابه وإذا سألته قال بعت الدكاكين *** ما يدري إني ما هضمت الإجابة الشاهد إني رحت له قبل يومين *** في قصره العامر ودقيت بابه قال أرحب أرحب عدّد ورد البساتين *** يا مرحبا باللي لفا يا هلا به قلت البقا عدّ النفل والرياحين *** يا شيخ شمل أهل الكرم والذرابه قال اسلم الله يحفظك لي من العين *** وآمر أوامر حضرتك مستجابة قلت الصراحة طالبٍ قرب غالين *** ودي تزوجني كريمتك يابه ثنّى وقال أهلين والله وسهلين *** والكون ترخص لجل عينك رقابه لكن ترا عندي شروط وقوانين *** قلت اشرط اشرط يا حبيب الغلابة قال أولاً مهر العروسة ثمانين *** غير الرسوم وغير حق العصابة والثانية عمك يبي منك سبعين *** رسم الأبوّة والنسب والقرابة وأم العروسة حقها منك ستين *** عشانها ست الحسن والمهابة وإخوانها كلن يبي منك خمسين *** عداً ونقداً تندرج في حسابه وخواتها الخمس عطهن من ثلاثين *** عشان تتوثق عروق النسابة وتجيب طقم عيار واحد وعشرين *** وخاتم من الماس المصفى ترابه وأكياس متروسة كعوب وفساتين *** ألوانها وأشكالها ما تشابه وموتر بسواقه وفيلا بدورين *** أثاثها من بطرته ينحكى به واحجز لنا قاعة بقصر السلاطين *** واحجز بها رقاصتين وربابه هذي الشروط اللي على بالي الحين *** وذكرني اللي ما حسبنا حسابه قلت اذكر الله يا عدو المساكين *** واستغفره لا يبتليك بعذابه الظاهر إنك منت عارف أنا مين *** أنا لو أرقى فوق متن السحابه ما جبت حتى نص درزن مواعين *** واضحك بكيفك واعتبرها دعابة شروطكم هذي شروط المجانين *** شروطكم شغل ابتزاز ونهابه شروطكم تقصم ظهور البعارين *** شروطكم همّن وغم وكآبه شروطكم والله سيوف وسكاكين *** تذبح بنات المجتمع مع شبابه وين الرضا والعطف واليسر واللين *** اللي ذكرها الله بمحكم كتابه وين الصفات اللي أمرنا بها الدين *** وين اختفى نهج النبي والصحابة يا عم جعل اللي خلقنا من الطين *** يرد عقلك من خطاه لصوابه ويجعل نصيبي عند غيرك قل آمين *** ويحسن عزا الصابر ويجزل ثوابه قال أنت لو فكرت تفكير صاحين *** ما شفت في مجمل شروطي غرابه حنا بعصر العولمة والمزاين *** ماهوب عصر الفلسفة والخطابة الناس تسعى للرتب والنياشين *** وأنت اهتمامك بالشعر والكتابة والشعر ما ينفعك لو هو دواوين *** ما دام جيبك مثل بيت الخرابة يا بوك لا تسمع كلام المصاخين *** واسأل مجرب عاش في وسط غابه قلت الله أكبر يا محر ر فلسطين *** من يسمعك يحسبك ذيب الذيابه تراك شايب رأس مالك ريالين *** والبنت ما تسوى جناح الذبابة<<< خربت الأخلاق https://fashion.azyya.com/images/icons/icon10.gif قال انقلع مالت على وجهك الشين *** لا عاد أشوفك عندنا يالزلابه قلت ابشر أبشر لكن الباب من وين *** وأقفيت من عنده على صوت بابه : وسلامتكم . . . .[/ https://photos2.azyya.com/store/uploa...0171c6a362.gif https://photos2.azyya.com/store/uploa...b1a9bee586.gif https://photos2.azyya.com/store/uploa...e9eb7dab79.gif https://photos2.azyya.com/store/uploa...2f36158185.gif https://photos2.azyya.com/store/uploa...09f0b26e68.gif |
رد: قصيدة لشاب فقير خطب بنت عمه
يالله تجنن تسلم يدينك اتحفتينا بهالابيات
|
رد: قصيدة لشاب فقير خطب بنت عمه
الف شكر لكِ اختي على الكلام الجميل الله لا يحرمنا من جديدك تحياتي لكِ / آبار \ |
رد: قصيدة لشاب فقير خطب بنت عمه
يسلمؤوؤوؤ
|
رد: قصيدة لشاب فقير خطب بنت عمه
هههههه
قصيدة خطيرة يسلموؤ يالغلا |
الساعة الآن توقيت السعودية الرياض و الدمام و القصيم و جدة 10:35 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.