ازياء - فساتين سهرة و مكياج و طبخ - المتزوجات حبيت افيدكم باشياتفيدكم وايد

السلام عليكم بنات

شحالكنم عساكم بخير

المتزوجات بس حبيت اليوم افيدكم بأشيا تفيدكم وايد
يمكن ما تحسون شكثر هالشي يأثر في الرجل بس ما يفهمه الا الرجل

حبايبي
صحيح نحن نتكشخ ونتعطر ونحاول بأي طريقه نغري ازواجنا
لكن بعض الحالات المتزوجه تتشكى
تقول زوجي ما يهمه ولا يني ولا يقرب مني
اسويله اغراءات ما في فايده البس واكشخ حتى ولو ماشي فايده

هني لازم نعرف كيف نجذبهم :
مثل ما نعرف الرجل حاسته الشم قويه قويه وايد
الحين بعلمكم طرق كيف تجذبين ريلج لج بحاسة الشم عنده ؟
مثل ما تعرفون النظافة مهمه
بس لازم نظف جسمنا من الداخل بعد
عشان الافرازات تطلع ريحتها حلوه لأن الرجل حاسته الشم قويه
فعشان كدا خليك غير عن الباقيات وخلي ريلج يشم فيج رائحه ما بيشمها من غير وقت المعاشره

اولا انا انصحكم خلو منكم الغسولات الكميائية ماندري شو من مواد يحطون فيها
وانا هني اقصد بغسول المناطق الحساسه ..

استخدمي الغسول الطبيعي حتى في الدوره الشهريه لأن هالغسول له فوايد وايده
مثل التنعيم والتلطيف للمناطق الحساسه وكمان التبييض مع الاستمرار
الغسول هو
تحطين ماي وتخلطين وياه ماي ورد اصلي يعني ممكن نص كاسه ماي ورد وتضيفين عليه الخزامى لانه يلطف المنطقه وينعشها ويبعد الامراض من هذي المنطقه
اهم شي الخزامى
وتضيفين البابونج
ورد مجفف طبيعي واكليل الجبل
وتحطينهم على النار لين يفور
وبعدين صفيهم
والماي الحار هذا حطيه في ترمس او مطاره واتركيه بحمامجك وكل ما تين تغسلين المنطقه ضيفي له الماي الدافي اذا برد
يتم عندك الغسول 3 ايام او اربع ايام على حسب ما تفورين
ولا تخلونه لمدة اسبوع ديرو بالكم .............

الحين بعطيكم مشروبات لازم تشربوها والله بتفيدكم انا متأكده بس خلن الكسل عنكنم واشتغلو بعماركم
انتو اختارو اي نوع بين هالمشروبات
المشروب الاول هو
عصير برتقال مع ملعقة من ماي ورد ويا ملعقة عسل حر
لما تشربينه كل يوم مره يصفي البشره وينقيها ويفتح وغير هذا لما تطلع منج افرازات تكون ريحتها حلوه
وحتى ريلج بيتخبل عليك وعلى ريحتك>>>>اتمنى انكنم فهمتنم علي

المشروب الثاني وهو الشاي الخضر ويا نعناع وشوي ماي ورد يغلي مع الشاي وتشربيه
ممكن 3 مرات بالاسبوع على كيفك بس اهم شي عصير البرتقال كل يوم
النعناع مفيد جدا جدا جدا ريحتك تصير حلوه
ومنشط جنسي بعد وحتى ريحة فمج تصير حلوه
والي تعاني من ريحة فمها انصحها تاخذ نعناع وكأنها تعلك النعناع بس 5 دقايق وما تبلعه

المشروب الثالث والمهم 3 مرات بالأسبوع اشربه وخصوصا ايام البرد بس هالمشروب الحامل ما تشربه لأنه يحتوي على الزنجبيل والزنجبيل ممكن يسبب الاجهاض لاسمح الله

بشري الزنجبيل الطازج واغليه ويا ماي وماي ورد وضيفي عليه حبه نعناع اذا بغيتي او لا تضيفين
وبعدين اشربيه
الزنجبيل بيخلي ريحتج فواحه وخصوصا وقت (................) اتمنى تفهموني
بنات صدقوني ازواجكم لما بيشمون فيكم هالاشيا عقلهم بيطير عليكم
لاتقولون نحنا نحط دهن عود ولا مسك
حطي مسك واشربي واحد من هالاشيا الي راح يطلع منجك اهم شي
لأن الرجال حاسة الشم عندهم مو طبيعيه
ممكن زوج ينفر عن زوجته وهي مش عارفه شو السبب ولا تشم حالها
لكن الي يطلع وقت المعاشره له تأثير كبير على الزوج اما ان الزوج يتخبل عليج
او ينفر منج لأن الريحه تضايقه

اتمنى يابنات ما تستهينو برائحة الافرازات واتمنى انكم تدركون شقد هالروايح تجذب الزوج

انتو جربو واحكمو
واتمنى انكم تستفيدون
ترا الاغراءات واللبس الجذاب والحركات هذي كلها تأثيرها ضعيف وممكن اي وحده غيرك تسويه
لمن رائحة الافرازات غير تكون
هذي نصيحه وايد مهمه

^^:11_1_120[1]:تحياتي للجميع