ما ضرب كتفه بكتفي . . . الا لأنه نوره مطفي !
التقينا مرّة صُدفة !
كنّا نمشي وسط زحمة . . . و انضرب كتفي بكتفه ! أحلى صدفة . . . ! " آنا آسف... اعذريني ! " و طالعتْ عينه بعيني . . . و ابتسم... يظِهر لي لطفه . . . كان أطالع . . . كان أشوفه . . . و اكتشف إنّي أعرفه ! " هذا أنته !! " مستحيل . . . إيه و الله صدفة !! و ارتعش قلبي على شوفة حبيبه . . . آه يا دنيا عجيبة ! بعد طول غياب . . . ها لصدفة تجيبه ! و انحرج منّي . . . و حط يدّه في جيبه . . . و لفّ وجهه عنّي و بسرعة رهيبة !! ما عرفني ؟؟ كيف أنكر ؟؟؟ شكلي أصلا ما تغيّر . . . من تركني . . . و آنا نفسي . . . بس يمكن صرت أكبر . . . يمكن أوجاع الزمن رسمتْ على وجهي خريطة . . . بقعة سودة ... و بقعة خضرا . . . و خط أحمر . . . بس قلبي... ما تغيّر ... لحظة اللي شافك اهتزّ و تحيّر !! نفس وجهك . . . نفس عينك . . . نفس ذاك الشعر الأشقر ! و فيه خصلة شيب بيضا . . . خلّتك جذاّاب أكثر !!! و ابتعد خطوة . . . . يبي يواصل طريقه لا ! حبيبي... وين رايح ؟؟ أتوسّل لك ... دقيقة . . . خل قلبي يسترد لحظة شهيقه . . . مو مصدّق... يلتقي الساعة رفيقه . . . يلتقي الساعة حبيبه . . . يلتقي الساعة عشيقه . . . بعد لسنين العريقة . . . . بس ثواني . . . و إلا عابر (( شخص ثاني )) دار له خلّي و نساني ! طلّع إيدينه و حضنها !! و همس بكلمة في إذنها . . . من هي هذي؟؟؟ و آنا ويني ... ما أدري عنها ؟؟ اعتقدها اللي خطبها . . . يا حسنها و يا أدبها ... أحلى و أصغر و الله منّي ! يا ترى... وش قد حَبْها ؟؟ شدْ على يدْها و سحبها ... ضحكت و شدّت لحدها .... كِنها تدري بي أحبّه ! و أنقهر لا جات جنبه قالتْ الجملة و هم يمشون عنّي : " يا يبه لا تضيع منّي ! " و ساروا .. و هْي َ تمسكه تدلّيه طريقه . . و انصفع بأقسى حقيقة .. ما ضرب كتفه بكتفي . . . الا لأنه .. نوره مطفي ! نوره مطفي ! الا لأنه .. نوره مطفي ! |
رد: ما ضرب كتفه بكتفي . . . الا لأنه نوره مطفي !
ابيات بقمة الروعه راقت لي كثير .... ياقلبي عليها جد عورت قلبي .. فديتج لاهنتي ع الطرح ..
|
رد: ما ضرب كتفه بكتفي . . . الا لأنه نوره مطفي !
كلماتك غنية بلمسات الاحساس الرائع فيه وجدانيه عاليه ومكلله بشجاعة الحرف على البوح بما في كوامن نفسك اسلوبك رائع بانتظار جديدك ودي وتحياتي آبار |
رد: ما ضرب كتفه بكتفي . . . الا لأنه نوره مطفي !
مشكوره ربي يعطيك العافيه
|
الساعة الآن توقيت السعودية الرياض و الدمام و القصيم و جدة 01:19 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.