ازياء - فساتين سهرة و مكياج و طبخ - Corn Dogs و في رواية كباب دوغز ... جربوه... بيعجبكم و بيعجب أطفالكم أكثر

^^Corn Dogs و في رواية (كباب دوغز)... جربوه... بيعجبكم و بيعجب أطفالكم أكثر^^

--------------------------------------------------------------------------------

السلام عليكم جميعاً...

و أسعد الله صباحكم بالنور و السرور...

و للي ما يعرفونه، هو عبارة عن هوت دوغ مشكوك بأسياخ خشبية و مغمس في خلطة من عجينة سايلة، و مقلي في زيت غزير... الحلو فيه إنكم لما تاكلونه تحسون إنكم تاكلونه مع خبزته! يعني ما في داعي تجيبون صامولي و تحطونه فيه...

طبعاً الطريقة الأصلية يستخدمون فيها دقيق الذرة (corn meal)

مثل اللي في الصورة...

http://www.3roos.com/files/ups/2010/...1270869197.jpg

و من هنا جا الاسم طبعاً!

نجي نشوف الطريقة بسم الله...

أول شي نحمي الزيت اللي بنقلي فيه... جيبوا أصغر قدر متوفر عندكم، لأننا بنحتاج كمية كبيرة من الزيت... و السبب إن الكورن دوغز نقليها و هي واقفة!

http://www.3roos.com/files/ups/2010/...1270865872.jpg

و نجهز بعد الهوت دوغ و نشكهم بالأسياخ... و تقدرون تستخدمون أعواد الأسنان...
أنا قطعتهم بالنص، لكن ممكن تحطونهم بطولهم كامل، أو تجيبون الميني هوت دوغ...
تأكدوا إن الهوت دوغ بحرارة الغرفة، لا تقلونه و هو مثلج، لأنه ما راح يستوي من داخل!

http://www.3roos.com/files/ups/2010/...1270865872.jpg

للخليط اللي بنغمس فيه بنحتاج:

كوب طحين عادي
كوب دقيق الذرة أو طحين الحمص
ملعقة كبيرة بيكنج باودر
ملعقة صغيرة ملح
فلفل أسود
و النكهات إختيارية (بودرة الثوم - أوريغانو - باربريكا - فلفل حار)
1/2 1 كوب حليب طازج

عشان يكون أسهل لكم في التغميس، حطوا الخليط في أي وعاء اسطواني، أنا استخدمت كاس براون، ممكن تخلطونه في بادية بعدين تصبونه في كاس عميق...
قوام الخليط بيكون مثل خليط البان كيك، فإذا حسيتوه ثقيل، ممكن تزيدون شوي حليب لين توصلون للقوام المطلوب!

http://www.3roos.com/files/ups/2010/...1270865872.jpg

الحين غمسوا القطع في الخلطة، و تأكدوا إنها تغطت زين...

http://www.3roos.com/files/ups/2010/...1270865872.jpg

و بعدين حطوها في الزيت، لا تتركونها!
لأنها بتنزل و بتلزق تحت، فخليكم ماسكين العود شوي و حركوا العود بحركة دائرية و بتشوفونها بدت تنفش معاكم... بعدين ممكن تتركونها لأنها بترتفع و تطفو على وجه الزيت...
http://www.3roos.com/files/ups/2010/...1270865872.jpg

لما تطلعونهم من الزيت حطوهم على ورق مطبخ عشان يمتص الزيت الزايد، بعدين قدموهم...

و هذا شكلهم النهائي

http://www.3roos.com/files/ups/2010/...1270865872.jpg

و هنا حطيت عليه كاتشاب و خردل...

http://www.3roos.com/files/ups/2010/...1270865872.jpg

http://www.3roos.com/files/ups/2010/...1270865872.jpg

و هذا الشكل من داخل...

http://www.3roos.com/files/ups/2010/...1270865872.jpg

شفتوا شلون شكلها؟ كأن الهوت دوغ داخل خبزة!

بالهتا والشفاء
منقول لعيونكم
دمتم فى حفظ الله