ازياء - فساتين سهرة و مكياج و طبخ - حلى رهيب بوقت قياسي جدا

السلام عليكم ورحمة الله

كيف حالكم يا احلى بنوتات

دايم اتفرج على اطباقكم الاكثر من رائعه واليوم قررت اني انزل لكم طبق حلو خفيف ومريح ان شاء الله يعجبكم وتدعون لي

المقادير:
عجينه بف باستري

مقادير الصوص:
حليب نستله (مركز محلى)
حبتين جبن مثلث او كيري
كورن فلكس مجروش

الطريقه:
نقطع البف باستري الى مثلثات انا قطعت كل مربعه الى اربع مثلثات وانتي على راحتك اذا حبيتي تقطعيها اصغر او شكل آخر على ذوقك
ترصينها بصينيه وتدخليها الفرن من تحت بعدين تحمريها من فوق بعدين خرجيها واتركيها تبرد خمس دقايق
الصوص : ضعي حبات الجبن والنستله بالخلاط واخلطيها زين
بعدين رتبي البف باستري بصحن التقديم وحطي عليها الصوص ورشيها بالكورن فلكس المجروش