ازياء - فساتين سهرة و مكياج و طبخ - ترفق ياحزن00مابي تشمت فيني رفاقي!!

https://ube.azyya.com/uploads/10122523090546.gif

ترفق ياحزن مابي تشمت فيني رفاقي!!

إلى حضرة سمو الحزن : أبسأل بس وش باقي
وشاللي طالبه منّي ل أجل تهديني عنوانك

أبسأل حضرتك يا حزن عن اللي كان بأعماقي
قبل لا يمرّني طيفك ... وتدندن جرحي ألحانك

علامك جيت لي كلّك ولا فكّيت لي وثاقي ..
وأنا ما يوم ناديتك ... ولا دقيت بيبانك !!

حضنت أيّامي بقسوه وأحسّك همت ب عناقي
وصوّرت العمر بيدك وعلّقته ب جدرانك ..

ياليتك تبعد وتنسى ياليتك تعلن فراقي ،
أنا ماعاد فيني شي يصبّرني : على شانك

كتبتك يا حزن عمري و فَرَح غيري من أوراقي
أنا لو تحسب جروحي : خطا في عدّها لسانك ..

دخيلك لا تشبّ النار وش إلي يفيد ب إحراقي
تمهّل يا حزن وإصبر ، قبل تنهيني نيرانك

ترفّق يا حزن .. مابي تشمّت فيني رفاقي !!
علامك تحسب طعوني زياده بدفتر إحسانك ،

سقاني ه الزمن مرّه وصنت المر والساقي ..
تقهويت التَعَب منّك .. ولا هزّيت فنجانك ،

أمانة عوفها دنياي و رجّع كل أشواقي ..
أنا عندي كثير أحزان ولاني بحاجة أحزآنك !

مما راق لي