ازياء - فساتين سهرة و مكياج و طبخ

معقوله للحين مافهمت عليّه الظاهر انها تستهبل أو غبيّه

و الا أنا الغبي وهي الذكيّه لأني مابيّنت لها اني أهواها

يعني معقوله مافهمت النظرات معقوله مافهمت ذيك الغمزات

والا شكلها ماشافت البسمات والا شكلي راح أتعب معاها

ماتذكر الورد اللي أهديتها مكتوب عليه بالأحمر فديتها

والدب المكتوب عليه حبيتها والهديه والعطر اللي معاها

ماشافت كيف أضيع لو ألقاها أخاف وأوقف مكاني من حلاها

كل هذا ومافهمت اني أهواها مافهمتني بعد كل اللي جاها

مابقى غير اني أقول اسمعيني أنا أحبك يكفي حرام عذبتيني

حسي فيني والا تكفه افهميني مابقى غير أروح وألحق وراها

آه يالقهر سافرت ولا ودعتني آه يالقهر ولا جات و كلمتني

آه ياويلي والله انها عذبتني والله أشقاني و أتعبني غلاها

شكلها تتغلى أو يمكن تتسلّى والله ماراح ينفعها التغلّي

مثل مايقولوا من تغلّى تخلّى شكلي بتغلى و بنساها و عساها