ازياء - فساتين سهرة و مكياج و طبخ - مر حو م ياللي صاحبه ما حصله...

حلمت حلم انك تجيني وتبكين
وامسح دموع عيونك اللي تهله

خيال طيف تجذبه دمعة العين
مع غفلة رموق العيون المغله

حالي قضى ليتك لحالي تشوفين
من سبتك بالقلب تسعين عله

مافيه داعي اشرح الوضع تكفين
وانت علاج القلب وانت دوى له

ياماسهرت الليل والناس ممسين
تشهد على قولي نجوم مطله

وياما صبرت ايام وشهور وسنين
برضيك ياراع العيون المظله

حبك حرمني من جميع المزاين
حبك مكفيني عن الحي كله

لو ان قربك ينشرى بالملاين
والله لاسوق المال دقه وجله

اقسمت برب له عباده مصلين
منساك لو اللوز اخلف محله

كلمة عهد وحنا على العهد باقين
ماهو عهد مراسلين المجله

حان الممات ولاحصل نكمل الدين
الحضن دوني واحد واقف له

مري الشمال ان كان ودك تمرين
مري على قبري وزوري محله

ابعطيك وصف كان ودك تمرين
ابعطيك وصف لالفيته تدله

برض الشمال وقبلة القبر رجمين
الايسر منهن يلحق القبر ظله

وان جيت عند القبر باسمي تنادين
واجاوب اللي جعل روحي فدله

وبيديك عن جسم رحل خف الطين
واطلب له الغفران عن كل زله

وان كان ودك فوق قبري تصلين
اليا سجدتي خلى الراس فله

واشم ريح مثل ورد البساتين
وجسم كلاه الدود ريحك يبله

وعند الوداع اكتب على القبرحرفين
مرحوم ياللي صاحبه ماحصله

ممأ رآق لي..~

اتمنى ان الموضوع ينآآل اعجابكم

*ام خالد*