|
بنات ساعدوني توأمي تعبان
السلام عليكم..
بنات انا ام لتوأم ولد وبنت اول مواليدي عمرهم سنه ونص يعانون من التهاب شديد مكان الحفاظه ماخليت شي الا سويته كريمات كينا كومب و و و نشا سودو كريم فازلين و و و كل شي جربته رحت لدكتور اربع مرات فيهم وعادي يسوي تحليل ويعطيني كريمات بس بدون فايده تعبت وربي ماغير يبكون ويصيحون خصوصا ولدي مايقدر ينام ساعه ويقوم يصيح وتقوم اخته تسانده المشكله اني ماعاد انام الليل لاني ارعاهم الاثنين ولوحدي لاني ماستأمن الشغاله عليهم وقت النوم الحين لي اسبوع ماغير اصيح معهم وابكي من بكاهم زوجي يشوفنا ثلاثتنا نصيح يقول مو توأمين الا ثلاث توائم فيدوني الله يجزاكم الجنه الي عندها طريقه تقولي |
رد: بنات ساعدوني توأمي تعبان
اختي الله يخليهم لك يارب
كريم ميبو تاخذيه من الصيدليه تقريبا بثلاثين ريال مرره روعه تركيبته من اعشاب طبيعيه رائحته كريهه لكن فوائده ما تنعد اذا الحروق بيشيلها بدون مايترك لها اثر ما بالك بالتهابات الحفاظه كل يوم ثلاث مرات قبل ماتحطين وضي لهم وجففي المنطقه بعدين حطي الكريم اسبوع ويبدا التحسن والله رهيب عن تجربه اقراي النشره اللي معه |
رد: بنات ساعدوني توأمي تعبان
حبيبتي
ادهني مكان الالتهاب زيت زيتون وصبي بالحفاظه وعند تغيير اللحفاظه حطي بودره وهكذا >>> فيلسوفه خخخخخ انا هذي طريقتي في معالجة اطفالي جربي >>> والكينا كومب للالتهاب البسيط ,, >>> اكبرمنك في يوم اعرف منك بسنه الله يشفيهم لك ويخليهم لك ويرزقك المره الثانيه توم بعد >>> |
رد: بنات ساعدوني توأمي تعبان
الله يجزاك خير اختي(الى الله امضي) بس والله لاستخدمه ومانفع
عاد تعقدت مرره لان قبل رمضان جلست معاهم هالحاله شهر وشوي |
رد: بنات ساعدوني توأمي تعبان
فدو تكفين وانا اختك الي يحبني يدعي لي ربي يزقني بطفل مفرد بعد التوأم
تعقدت خلاص وشاب راسي قبل اواني سمعت عن زيت الزيتون ونشا ونخلطهم مع بعض تقريبا قريب من طريقتك وبجرب اولادي مساكين صاروا محط تجارب لي وكمان سمعت عن العسل بس مادري احسه نعمه على العموم بوافيكم بكل تجربه اسويها..والله يجزاك خير اختي واستنى تجارب الاخوات |
رد: بنات ساعدوني توأمي تعبان
بنات في وحده تقولي فرغي كيس ليبتون(الشاي) في الحفاظه وراح تدعين لي!!!!!!!!!
صارت مقاعد اولادي طاولة مطبخ والله احترت اجربه بعد؟ شكلي بجرب العسل على ولدي والشاي على بنتي وبوافيكم بالاخبار اذا ربي اراد ادعولهم تكفون والله انهم يقطعون قلبي يوم يصيحون |
رد: بنات ساعدوني توأمي تعبان
والله الشاي اول مره اسمع به
والعسل احسه حار عليهم بسألك وديتيهم الطبيب ,,؟ |
رد: بنات ساعدوني توأمي تعبان
و الله ما عندي خبرة ..
الله يخيليك ياهم و يحميهم يا رب |
رد: بنات ساعدوني توأمي تعبان
الله يجزاكن خير اخواتي
رحت لطبيب بس ماعنده سالفه كتب لي كريمات لي اسبوع استخدمها بدون فايده اختي كبريا مافتح وياي مشكورات |
رد: بنات ساعدوني توأمي تعبان
الله يشفيهم لك يارب
قلبي عنك وعندهم ,,,, طمنينا اذا خف امانه <<< |
رد: بنات ساعدوني توأمي تعبان
الله يخليهم الك ان شاء الله ويشفيهم
|
رد: بنات ساعدوني توأمي تعبان
الله يسعدكم بنات على الدعوه وعلى الرد تسلمون جميعا
اقولكم تجاربي مع هالتوأم حطيت زي ماقالولي شاي بس عادي ماحسه نفع حطيت عسل والحمد لله كأنهم تحسنوا شوي والشي الحلو وسوى نتيجه من اختراع شغالتي الاندونيسيه خلطت زبادي مع نشا وحطت لهم صاروا يبكون بس دقايق وسكتوا لانه حار عليهم والحمد لله خف عن اول بكثير بس الله الله بالنشا واهم شي يابنات لما تعطون عيالكم رضاعة الحليب حطو لهم ملعقه نشا مع الحليب علشان يمسك بطنهم هذي تجاربي اتمنى تستفيدون والله لايحرمنا من المطبخ ومافيه ههههههههههههههههه ادعوا لي يابنات ان ربي يشفي لي بنتي ويحفظ اخوها |
رد: بنات ساعدوني توأمي تعبان
الله يشفيلك بنتك ويحفظ اخوها ويخليهم لك يارب
|
رد: بنات ساعدوني توأمي تعبان
اللهم امين
مشكوره اختي |
رد: بنات ساعدوني توأمي تعبان
انصحك ياحياتي كريم ميبو ولا تغسلس لهم استخدمي المناديل المبلله اللي بالصيدليه صحيح كبرو عليها بس جربيها
رح تنفع ان شاء الله الله يعافيهم يارب ويرزقنا بالذرية الصالحه |
| الساعة الآن توقيت السعودية الرياض و الدمام و القصيم و جدة 12:00 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.