ازياء - فساتين سهرة و مكياج و طبخ - .. وش ينفع العذر لامن ضاعت أيامي ..

ما قلت لي شي وش خليت ما قلته
اسكت وخل الكلام لجرحي الدامي

لو غيرك إلي يسولف ما تحملته
لكن علشان عينك هانت ألامى

للحب مفهوم عمرك ما تخيلته
ما أظن يستوعبه تفكيرك السامى

هذا الفراق الطويل وهذي أسئلته
هذا حصاد السنين وهذي أيامى

ياما وياما عليك البال طولته
والعمر عدى وأنا عايش على أوهامى

حتى طريق الفراق إلي تساهلته
لقيته أصعب على نفسي من أقدامى

اصبر شوي لو دمي تثاقلته
بحاول أستوعب اللي صار قدامى

الحب ضحكه بعينك بس ما طلته
عمرك بهالكون شفته أبسط من أحلامى!

القلب لو ما خفق لك كان ما شلته
ولو ما أنت ملهم قصيدي جفت أقلامى

هذا قصيدي بعينك لو تجاهلته
ينزف على شان يروي قلبك الضامى

العام طاري غيابك ما تقبلته
واليوم حرماني أصبح مصدر إلهامى

لا تعتذر لي وبنسى كل ما قلته
وش ينفع العذر لامن ضاعت أيامى