ازياء - فساتين سهرة و مكياج و طبخ - قألت وهي تبكي ترى الكل يفداك لكن ظروف الوقت زادت شقايه

- ادب و خواطر (https://fashion.azyya.com/40)

قألت وهي تبكي ترى الكل يفداك لكن ظروف الوقت زادت شقايه

جتني وقالت خذ بقايا هداياك
وهاك الرسايل وأعتبرها نهايه

وخل ذكرياتي والصور دوم وياك
مابيك تنساني وتنسى هوايه

استر على ماشفت مني وماجاك
وعساك تذكر ذكرياتك معايه

قلت أسمعي قالت عسى الله يرعاك
ماعاد ينفع ياحبيبي كفايه

صاح الضمير وقال يالزين وش جاك
ودي أعرف اليوم شنهو خطايه

ودي أعرف اللي حصل لاعدمناك
شاللي حصل بالضبط شنهي الحكايه

قالت ( خطبني ) شخص مثلك وشرواك
وأبوي ملكه لي وحطم منايه

قالت وهي تبكي ترى الكل يفداك
لكن ظروف الوقت زادت شقايه

غصب علي اليوم أوادعك وأجفاك
مجبوره ياقلبي أفض الروايه

لاتعتقد في يوم أنا بقدر أنساك
أنت الوحيد اللي له القلب غايه

والقلب صابه وقتها ألف دكاك
والهم أعلن في حياتي البداية

((وسلأمت الجميع))

رد: قألت وهي تبكي ترى الكل يفداك لكن ظروف الوقت زادت شقايه

لاتعتقد في يوم أنا بقدر أنساك
أنت الوحيد اللي له القلب غايه

والقلب صابه وقتها ألف دكاك
والهم أعلن في حياتي البداية

والله كلام جميل وذوق مثلك ياقمر..
مشكوره والله يعطيكي راحة البال..
تقبلي ودي فديتك يالغلا..
ام خالد..

رد: قألت وهي تبكي ترى الكل يفداك لكن ظروف الوقت زادت شقايه

يعطيك الف الف عافيه

رد: قألت وهي تبكي ترى الكل يفداك لكن ظروف الوقت زادت شقايه

رو رو ور ور ور رو عه قليل عليها

الله لا يخلينا منك ياغلا ,,

ها المره جبتيها صح ,, خخخخخ

بانتظاآآآآآآآآآر الجديد ,,

رد: قألت وهي تبكي ترى الكل يفداك لكن ظروف الوقت زادت شقايه