ازياء - فساتين سهرة و مكياج و طبخ - الفرق بين الرجال والحرمه لراحو العزومه

:101xv6:السلام حبايبي

كيفكم ان شاء الله تمام

اخليكم مع الفرق

الفرق بين الرجل والمرأه بعد الرجوع من العزيمة

أولاً : المرأه تتحدث مع أختها

المرأه: يوه فاتك نص عمرك.. توني جايه من العزيمة

أختها: وش حطوا؟

المرأه: يو يو يو ، حطهم يجنن، ما فيه شي ماحطوه ، أول شي الشاهي، فناجيلهم تجنن مزخرفه ومسكاتها ذهبيه ، بعدين القاتوه مدري من فين جايبينها طعمها يجنن وحاطينها في صواني خربزيه وفيها نقط صغيره لونها أخضر ،والمكسرات تموت ، حاطين كل كسرة في كيس! والا العشاءياربيه يهبل

(ويستمر وصف الاكل ساعة ونصف)

أختها: جت نوره؟

المرأه: ايوه جت، يالله لبسها يجنن، لابسه فستان وردي مطرز بكرستال بني ، لبسها من جد ياخذ العقل

أختها: لايكون نفس اللي لبستهقبل 5 سنوات؟

المرأه : لا لا هذيك المره لابسه فستان أحمر مو وردي ولا كان فيه كرستالات

اختها: أجل شكلها لابسه فستان بنت عمها أريج لاني شايفهاللبس هذاعليهافي عرس بنت خالتي

.

المرأه: ايو والله، يوه يخزياه، والله انه ماتستحي ؟ لا وأريج تدرين ايش لابسه ؟ اليوم لابسه لبس يقرف

شكلها اشترته من محل أبو ريالين

أختها: وجزمتها؟

المرأه:ما أدري ماشفتها، تصدقين طول العزيمه وانا احاولاشوف جزمتهالكن ماقدرت، حتى انيوم طفشت في الاخيرميت شنطتي تحت الكرسي حقها على بالي ما ادري ونزلت راسي اخذ الشنطة عشان اقدر اشوف الجزمة بس ماقدرت، لبسها كان طويل مرة ومغطي رجولها

اختها: اكيد جزمتها زي لبسها معفن .. هي دايم كذا ذوقها خايس ...طيبومكياجها كيف كان؟

المرأه: وع ، مكياجها مخليها اكبر من امها، تخيلي حاطة روج بني، شكله كأنه ديرما مو روج، والله المسكرة بعد يوه مالها داعي، ما ادري مين النذلة اللي حاطه لهالمكياج ، شكلها زوجة ابوها

اختها: طيب وتسريحة الشعر

المرأه:حقت مين؟ نوره والا اريج؟

اختها: كلهم

.

المرأه: تسريحة نوف حلوة، حاطة شباصة فضية وبكلة وردية، ومشابك برونزية والشعر صابغته بلون كحكحيلكنه يهبل،

اختها: كحكحي؟ يعني ايش؟

اختها:ماتعرفين الكحكحي يالبدويه؟ هذا لون جديدلصبغات ، اذا شفتيه تجيك الكحه من زينهحتى سألتها وين مصلحه شعرها فيه ورفضت تعلمني اما اريج تسريحة شعرها بايخة، شفتي تسريحةخدامتنا جيناتاوهي تغسل المواعين؟ نفسها بالضبط

اختها: على طاري الخدامة؟ خدامة اريج وش لابسه

..

المرأه: الخدامة لبسها عادي، لكن جزمتها خقاق ، تهبل ماكأنها جزمة خدامة، لونهاسود وعليها خيوط فسفورية

اختها: صدق والله؟ هذي مو جزمة اريج؟

المرأه: اي والله؟ وانا اقول وين شفت هذي الجزمة .. هذي جزمتها قبل عشرطعش سنة، اتذكرها شكلها عطتها الخدامةبدل ماتكبها في القمامة.

ويستمر الحش إلى صلاة الفجر

----------------------------------------------------------------------------

ثانياً: الرجل يتحدث مع أخيه

الرجل: السلام عليكم، توني جاي من العزيمة وترا كلهم يسلمون عليك كثيرالسلام

اخوه: الله يسلمك ويسلمهم

انتهت المحادثة

منقول