|
رد: جايب هالقساوة منين ؟ منين يا طيب كاملة
في روسيا// كل الي في الحفله معجبين بساره لانها جميله جمال عربي مو زي الاوروبيات بيض بس مافيهن ملوحه ولاجاذبيه رغم ان ساره ماتكشخت الا انها طالعه جذابه شعرها ناعم وشوي طويل لونه اسود مكياجها جدا خفيف ولبسها غلط في غلط مو كشخه ابدآ بس طالعه نعومه يجي رجال روسي اسمه جورج متوجه للطاوله الي موجودين فيها اهل ساره وساره الي تناظر اهلها بكل اشمئزاز وبكل قرف جورج مبتسم ويكلم ساره:, /مرحبا ممكن ترقصين معي؟؟ ساره وهي تدفئ بزياده بالجاكيت الي من الفرو تناظر له وتحرك كتفها يعني مو فاهمه عليه ومنزله راسها خجلانه منه ابو عبدالله وهو سكران:قومي ارقصي معه يبيك ترقصين يالغبيه سمر متزوجه وبعد من شلتهم تضحك بقوه:ههههههههههههههههههه حلوه غبيه ساره:والله مارقص معه ابو عبدالله يناظر لها بحقد:قومي لاكسر راسك ام عبدالله:قومي سارونه ارقصي وش بيضرك عادي خليك مثل مهاوي ساره بكل حزم:لا جورج يناظر لهم وهو مو فاهم بس قاعد يوزع ابتسامات ابو عبدالله وهو صاك على سنونه:قومي ساره خافت وقامت:اوف بس ماعرف ارقص ابو عبدالله وهو يضحك:كيف بتعرفين وانتي لابسه كذا نزلي الجاكيت جاكيت حشى مو جاكيت بطانيه سمر وهي منتهيه ضحك:هههههههههههههههههههههههه حلوه بطانيه ساره:يباه مو لابسه الا بدي ابو عبدالله:يعني كيف بدي ماعرفه سمر وهي تضحك:يعني زي بلوزتي هههههههههههههههههه ابوعبدالله:طيب حلو ههههههههه ام عبدالله:وش ذا الستر الي نزل عليك مره وحده ياساروه ساره تناظر اهلها وهي مو مصدقه ابدا والاكثر امها الي تاثرت من اول يوم والي كأنها مراهقه مو عجوز بالاربعينات عمرها جورج يمسك يد ساره ويبوسها بطريقتهم ساره تبعد يدها بسرعه وتناظر اهلها تبيهم يتكلمون لكن الاهل يناظرون والمنظر جدا عادي والغريب حتى امها بس باين ان الخمر اثر عليهم واعمى قلبها وعقلها بزياده بعدها يقرب جورج بينزل جاكيت مها الطويل (ومها تبعده بقوه ابو عبدالله بعصبيه:مهاوي مها برائه:انا بردانه الدنيا برد ابو عبدالله:اشربي وراح وبتدفين ((يعني تشعرين بالدفئ مها نزلت الجاكيت وهي كارهه عمرها وتمنى انها تموت ولاتوصل لمستوى الدنائه الي عاشتها خلال ساعات عبدالله وخالد بالمقهى عبدالله:لاقلت لك والله مافيه اي وحده بالي خالد:طيب وش رايك ادلك على بنيه حليوه عبدالله بنظرات حقد:تعرفني مستحيل اخذ لي وحده تكلم شباب خالد يبتسم:افا عليك وانا ارضاها لك عبدالله:طيب مين؟؟؟ خالد:اختي اختي سوسن هاه وش رايك عبدالله انحرج وصعبه يقول لأ بذات انها اخته:خلاص ان شاء الله بخلي اهلي يشوفون اختك ونتفاهم خالد:اهلك ماسافروا عبدالله رفع عيونه:بقول لبنت خالتي خالد عرف مين:ايه خلاص وصدقني اختي بتعجبك وانا بجد ماضاء لاختي الا بواحد مثلك ومارضى لك الابمثلها عبدالله ابتسم:تسلم والله بجد انك صديق مخلص خالد بنظرات خبيثه:افا عليك بس مابينا ذي الرسميات مسكين عبدالله مايدري ان خالد متعمد انه يتعرف على مها بنت خالته علشان يفرق بينه وبينها وماعزمها عنده بالشقه الا علشان يشوفها عبدالله عنده ماعرف ان ساره هي الي بتشوفه وانفضح بس ماهمته ساره قد ماهمه عبدالله يتمنى انه يغير كل شئ بحياته للاسوأ تدرون ليه لا بتعرفون بعدين مع الاحداث كل شئ راح يبين!!! ادري ان الكل مستغرب كيف عرف انها بنت خالته؟؟ ساره ماقصرت معه بالماسنجر قالت كل شئ وهو طبعا يحب يحفظ المحادثه بينه وبين البنات زي اغلب الشباب وقالت ان مها موجوده في نفس المنتدى الي هي فيه وقالت ان مها هي الي ملصقه عمرها باخوها عبدالله ماخلت شئ عن العائله كلهم مو بس مها في الساعه 3 ونص ليلا في شمال روسيا ترقص ساره وجورج وهي تحس ان الدنيا بتزلزل من صوت الاغاني العاليه ومن الازعاج ومن اشياء تنقال واشياء ماتنقال يتمادى جورج ويقرب لها بيضمها تبعد ساره عنه وتصارخ بوجه ساره بصراخ:صحيح سخيف ماتستحي على وجهك الموسيقى توقف لان فيه صراخ وازعاج والكل يناظر حولها بس مايدرون وش السالفه جورج مو فاهمها بس يدري انها زعلانه:, //آسف بس انا وش سويت؟؟ ساره:اسكت ولاكلمه تتكلم وكلامك مو مفهوم يالحيوان يقوم ابو عبدالله وهو معصب يقرب من ساره:انتي وش تقولين يالخبله سمر وهي شاربه الكاس الثامن وطايحه على الطاوله:هههههههههههههههه حلوه خبله ساره بصراخ:انتي الخبله يالتافه ابو عبدالله يضربها كف على وجهها باقوى ماعندها والكل يناظر ومتفاجئ من الحدث الغريب الي صاير ساره وهي تحرك شفايفها استعداد للبكاء:ن غلطانه اني جيت عندك (تنفجر بالصياح وتركض برا البيت الضخم في عز الليل وفي عز البرد والارض مو باينه لان الثلوج مغطيتها تركض وتروح ماتدري وين تروح تمشئ وتمشئ وهي مو لابسه الجاكيت وتحتمي بيدها تتدفئ فيها لكن لافائده البرد مررعب وتركض الى طلعت بعيد عن المكان تقريبا 3كيلو بعيد بالنسبه للمشئ وفجاءه تطيح بحفره عميقه ويغمى عليها |
رد: جايب هالقساوة منين ؟ منين يا طيب كاملة
عبدالله يفتح باب البيت ومها تاخذ جلبابها وغطوتها بسرعه وتغطى بالمقلوب من العجله
عبدالله منزل راسه:السلام عليكم مها وهي جالسه:وعليكم السلام عبدالله:اخبارك مها مها:الحمدلله وانت شلونك عبدالله:انا زين غريبه الساعه 1 ونص وانتي مانمتي مها مبتسمه:لاليوم مافيني نوم بنام بعد شوي عبدالله:طيب اقدر اكلمك بموضوع واتمنى ماترفضين لي ذا الطلب مها بكل جديه:انت تامر امر عبدالله:مايامر عليك عدو انا بغيت تشوفين لي اخت جارنا اسمها سوسن مها من غير تفكير وبغيره زايده:ليه وش تبي فيها عبدالله استغرب منها لانها تغيرت الفتره ذي بس هذا اسلوبها الواحد مايقدر يغيره بسرعه:علشاني ابي اتزوجها انا خطبتها وخلصت مها وقلبها ينطعن:وانا عبدالله مستغرب:وانتي انتي وش مها تبلع ريقه وبسرعة بديهه:انا وش مطلوب مني عبدالله:زي ماقلت لك ابيك تشوفينها وتقولين لي رايك فيها وبرسل لهم كم هديه مها وصوتها يتغير وجسمها يرتجف بقوه كانها في شتاء مو بصيف لا وبالشرقيه بعد:انشالله بس متى عبدالله:بكره او بعده انا كلمتة مها تقوم من غير شعور:اجل الله يوفقك ويسعدك معها يارب عبدالله ابتسم:والله يوفقك حتى انتي (بقلبه يقول مع غيري مها:اجل عن اذنك بطلع للغرفه بس ماتبي اسويلك شئ قبل مانام عبدالله:لا سلامتك مها:اجل تصبح على خير عبدالله:وانتي من اهله تطلع مها فوق عبدالله:مها مها:نعم ناديتني عبدالله:ايه ناديتك انتي محتاجه شئ تبين شئ يعني من السوق او اي مها تقاطعه:لامشكور انا مو محتاجه اي شئ الا رضاك عبدالله استغرب من اسلوبها وكلمتها الاخيره هزته وحس انها قد ايش محتاجه له يمشئ بعربه سريعه شاب وسيم عمره تقريبا 26 سنه ويمر من عند الحفره الي دايمآ يطيحون فيها كلابه طبعا بروسيا يستخدمون الكلاب لطريقة التنقل من مكان لمكان ثاني لان الثلوج ماتساعدهم على المرور بالسياره الا بالايسفيلت يشوف فيه وحده طايحه بالحفره ينزل وينزل بشوي شوي ويطيح فجئه بس دايمآ تصير له مو شئ غريب عليه شاف الملاك الي طايحه وناظر لها يدها زرقا وجهها باين انها مريضه ومنتهيه حاول يقومها مافيها فايده شالها وطلعها من ذي الحفر بصعوبه وركبها بالعربه وبدوا الكلاب يمشون بسرعه مها تدخل غرفتها وتنفجر بالصياح من قلب:كيف يتزوج مو حرام بس انا ابيه الله ياخذني لو مارحت ذاك اليوم كان ماصار الي صار ياليتني مت كيف بعيش اللحين ابموت من دونه ماقدر ماقدر يارب لا (تقوم بسرعه وتمسح دموعها ) استغفر الله انا وش قاعده اقول لا انا ماستاهل عبدالله انا ماستاهله ابدا لو اني كنت احبه كان غيرت طريقة حياتي لكني غبيه استاهل الله يوفقه مع سوسن ويصبرني يارب (يزيد صياحها من قلب الساعه عشره الصبح في الرياض في المحكمه محمد:ايه ماجد هو الي قتل اخوي قتله قدام عين ابوي وامي ابوي اللحين بالامراض النفسيه وهو السبب القاضي:طيب انت ماراح تسامحه محمد بكل اصرار:لا ماراح اسامح واحد ضيع عايلتي كلهم ابوي بالامراض النفسيه واخوي مات وامي حالتها يرثى لها ماجد منزل رسه وينتظر الحكم مافيه محامي لان ماجد ماعارض ولاقال شئ القاضي:وانت ياماجد وش رايك انت قتلت مهند ولا لأ ماجد منزل راسه وياشر بالايجاب القاضي بصوت عالي:رد قتلته او لأ ماجد رفع راسه وبعصبيه لانه فاقد اعصابه يبي يعرف الحكم بسرعه:ايه قتلته القاضي تشاور مع بقية الاعضاء بالمحكمه:حكمت المحكمه حضوريا الحكم على ماجد بالاعدام(انقهر من ماجد لانه رفع صوته عليه كان ناوي يخليه سجن مؤبد ) ماجد يطيح من غير شعور يمكن من كثر تفكيره وين تروح خلود وين تعيش تتحمل الصدمه او لأ والف سؤال وسؤال احرمه طعم النوم والراحه |
رد: جايب هالقساوة منين ؟ منين يا طيب كاملة
في روسيا//
الرجال يقرب لساره كالونيا ساره تشم تفتح عيونها وتحرك يديها تمدها وترفع شعرها الرجال انجن عليها ساره تفتح عيونها وتناظر تقوم بسرعه الرجال:, اعذريني ساره:انت وش تقول الرجال:Excuse me اعذريني انتي عربيه ساره تقوم وتبكي:انت وش سويت الرجال:والله ماسويت لج شئ انتي كنتي طايحه بحفره وطلعتج ساره تذكرت انها طايحه بالحفره وتذكرت الاحداث الي امس:مين انتي عربي الرجال:ايه انا خليجي ساره حست بالامان والراحه:اجل اعتبرني مثل اختك الرجال:افا عليج ولا يهمج يالغاليه ساره تجلس وتشوف حالها من غير جاكيت ولبسها عاري تاخذ الشرشف(غطاء النوم)وتستر فيه الرجال:اسمي ثامر ساره:وانا ساره من السعوديه ثامر:ياهلا باهل السعوديه يرانا ساره:هلا فيك انت من وين ثامر:ابوي كويتي وامي بحرينيه ساره اول ماقال بحرين تذكرت خالد وكشرت عبست ثامر:افا وش فيج ماتحبين البحرين والكويت ساره:لا بالعكس اموت فيهم ثامر:ماشوفج فديتينا ساره:فديت الكويت واهلها والبحرين واهلها بس مو فديت الي يزورون البحرين ثامر يضحك عليها:هههههههههههه ليه تغارين من بنات والبحرين ساره:امم لا بس انت ساكن لوحدك بذا البيت ثامر:ايه ساكن لحالي اهلي ساكنين بموسكو ودايما يجون هنا ساره:واللحين هم هنا ثامر:ايه بس في بيت بعيد ساره:اها ثامر:وانتي وين اهلك ساره:بصراحه بصراحه اهلي انا زعلانه منهم تصدق ولا خلاص ماراح اقولك ثامر:ليه ساره:لانك رجال غريب مافروض ماتكلم معك حتى ثامر:ههههههههههههه قلنا اخوان خلاص انتي مثل اختي بس تحجي ساره:طيب ابقولك اوف اهلي بجد غريبين تصدق قالوا لي ارقص مع رجال ثامر:هههههههههههه وطيب وش فيها ساره:انت عايش طول عمرك هنا ثامر:لا مو طول عمري عشت في البحرين الى وصلت عشر سنين وبعدها رحنا للكويت 5 سنين وبعدها عشت هنا بس ازور اهلي هناك ساره بحقد:اها حلو بس لاتقطع باهلك يمكن يصيرون ابرك من اهلي ثامر:اموت وشوف اهلج ساره:ماقلت لك السالفه ثامر:طيب قولي عبدالله يحس بتأنيب ضمير:يالله انا وش اسوي بجد مسكينه مها والله ماتستاهل بجد تغيرت ياحرام والله اوف بس هذا خطبني وانتهيت وفشيله ارفض اوه ولو ماخطبني ماراح اخذ مها (((هذا غلط كثر من الشباب يخطبون رجال لخواتهم لدرجة ان الكثير من المخطوبين يفكرون ان البنت فيها بلاء علشان كذا خاطبينها بجد زمانا غريب وعجيب مها لبست لبس محتشم وشرأت من السوق عباءه على الراس وغطوه كامله وشرت هديه لسوسن علشان عبدالله بس والا هي محروقه غيره وقهر وحتى حقد على سوسن لانها سلبت اغلى ماتملك مها تكلم خلود وهي نايمه الممرضه مو عندها خلود:ماجد ماجد ابي اشوف حبيبي ماجد بعد صلاة المغرب مها:والله نتشرف ياسوسن انك تكونين من نصيب عبدالله سوسن نزلت راسها وابتسمت مها:بلا دلع عاد والله ماراح تلقين احسن منه وافقي له بس سوسن:انتي اخته مها انحرجت:لا انا بنت خالته سوسن حركت حوجبها مستغربه مها:لا رب اخي لم تلده امك سوسن:طيب وين اخته ساره وامه مها:ساره مسافره قصدي مهاجره هي وامه بيجلسون سنتين في روسيا سوسن:طيب وخالد مها ناظرت وفتحت عيونها بقوه:مين خالد سوسن:خالد اخوي خطيب ساره مها تقوم واقفه تفاجئت ان ذا البيت هو بيت خالد نفس الي قابلته ونفس الي حطم حياتها وفرق بينها وبين عبدالله ونفس الي فرق بينها وبين ساره اغلى صديقه وبنت خالتها الوحيده سوسن:وش فيك مها تلخبطت بالكلام وارتبكت:لامافيه شئ سوسن:طيب وش فيك واقفه اجلسي مها تمشئ:لاعن اذنك انا بروح وزي ماقلت لك ترا عبدالله ماينعوض مع السلامه سوسن استغربت:مع السلامه ثامر يشرب زجائره وبيده كاس ويسكي ساره:تشرب خمر ثامر وهو مو صاحي:اسمه ويسكي حبيب قلبي انا ساره:حرام عليك ثامر يقوم ويمشئ يقرب لساره:وليه حرام جربيه تراه حلو ساره بخوف:لا ثامر يمشئ لها ساره تطلع من البيت وهي تصارخ بس بيته بعيد عن العالم بيوت روسيا متفرقه مو بجنب بعض وبذات بذا الاقليم ثامر يقرب لها |
رد: جايب هالقساوة منين ؟ منين يا طيب كاملة
التكمله//// ثامر يقوم ويمشئ وراها بطريقه هيستيريه ويتكلم وكانه مو صاحي ويقرب لها ويقرب ساره تشوف وتناظر وهي متفاجئه ساره تركض مسرعه برا البيت بالمكان الغزير والمنتشر فيه الثلوج بكثره وبكثافه وهي مو لابسه الا بدي وطالعه جذابه لان الجاكيت في الحفله يمشئ وراها ثامر وقرب لها ساره وهي تبكي تضربه بقوه ويطيح على الارض ساره تمشئ على ورا شوي شوي وهي تناظر له خايفه انه مات ولا شئ وبزياده ميته خوف من منابح الكلاب الي لوسيلة التنقل ساره وهي تصيح من قلب وشكلها يكسر الخاطر بذات انها ماتعرفه وبمكان ماتدري وين تروح فيه واهلها ناس متخلفه يدعون الحضاره ساره وهي ترتجف من البرد والخوف:يوه وش اسوي الولد بيموت قدامي اكيد مات مايتحرك (يزيد صياحها) وش اسوي ايه ابجيب له اي شئ او اقومه لا ماراح اقومه اخاف يعتدي على بموت انا من الخوف تجلس قدامه بعيد شوي عنه بس مقابله بجنب الشجره المغطاه بثلج مها برود بس تتظاهر الفرحه:لاخطيبتك تجنن الله يوفقك انت وياها يارب عبدالله:الله يسلمك والله يرزقك بالرجال الي يعرف قيمتك مها:تسلم عن اذنك بروح عبدالله:وين؟؟ مها مستغربه:بسوي العشاء!! عبدالله:لا اليوم العشاء انا الي بجيبه مها:لاماله داعي انا بسوي لك عبدالله:انا مشتهي اليوم سمك مها:ههههههه عاد السمك ماعرف اسويه عبدالله:خلاص انا بجيب ولاتبين نطلع للمطع ها استغربت:لاماقدر عبدالله بعد تفاجئ لانها قبل تتمنى انه يطلع معها:ليه مها:مادري بس مابي انت روح مع اصدقائك انا لا عبدالله حس انها تغيرت:طيب ماتبين اطلعك مشوار شئ مها:لامابي اطلع اللحين الي جايه من الجيران عبدالله"غريبه اول ماتجلسين بالبيت مها:خلاص لازم اعقل لازم اخلي حركات الاطفال عبدالله:هههههههههههههه حلو مها وتغير صوتها صوت وحده بتصيح:الصدمات الي شفتها كثيره وكلها من ورا طلعاتي عبدالله حزن:الله يصبرك وان شاء الله ماتكرر مها:اولها وفات اهل وانالسبب وبعدها اللشقه والنت والضياع خلاص انا مليت من عيشتي لازم اتغير عبدالله:بس مو لهدرجه تنكتمين في البيت بروحك وماتكلمين احد ولاتطلعين مها ابتسمت:لا خلاص اللحين زوجتك بتونسني وبتصير صديقتي عبدالله ابتسم: هههههههه زين اجل عن اذنك بروح مها:اذنك معك عبدالله:مع السلامه مها:الله يحفظك عبدالله طلع وحس بغصه منها حس انها تغيرت حس انها مجروحه حس انها طفله ومالها والي ولا اهل ولا اقارب الا هو عبدالله:انا المسؤل عنها ولازم اعاملها بكل احترام مسكينه والله عذبتها كثير انا بالبدايه وهي تبيني وانا ارفضها وبعدها قدام خلق الله اضربها بس ليه انا ضربتها معقول اغار عليها وليه ماغار مو بنت خالتي مسكينه والله قطعت قلبي الله يكون في عونها ساره جالسه عند الشجره الي مو باينه اوراقها من الثلوج والارض الي مو باينه لانها كلها بيضاء والثلوج متراكمه فوقها ساره وهي تشوف ثامر وهي ترتجف بقوه:لا انا لازم اخليه يقوم له تقريبا عشر دقايق بيموت وانا السبب لازم اقومه تمشئ ساره شوي شوي وبخطوات خائفه ومتثاقله وتقرب للجثه الهامده ساره تحاول تمد يدها المتردده وتنادي بصوت خفيف عنده:ثامر ثامر صرخه بقوه لها:بوم ياخوافه هههههههههههههههههههههههههههههه ههههههههههههههههه ساره تنهبل وتحس بدوخه من الخوف تركض بقوه وبسرعه وثامر يقوم وهي يضحك:سارونه وقفي انت شفيج وقفي(يركض وراها ساره تركض بسرعه ومن غير ماتاخذ نفس وتطيح وتقوم بسرعه وهي تناظر ورا تناظر الي يتبعها وهو يضحك بقوه ومن قلب ثامر وهو يضحك ويتكلم بصوت عالي:وقفي والله ماذيج الي سويته مقلب وقفي يالخوافه ساره تركض وهي تصيح وتطيح من السرعه ومن التعب ومن الارهاق ثامر بصوت جاد وخائف:وقفي ياغبيه احنا اللحين فوق قمه وانت بتطيحين لو بتمشين بزياده وقفي ساره تركض مسرعه ومن غير ماتاخذ نفس ثامر:والله ماذيج بس وقفي لاتخافين مقلب الي سويته ترا بتموتين اذا مشيت اكثر قدامج شلالات وقفي ساره وعيونها غطتها الدموع تركض ولا همها وتوصل للمكان المرتفع وتحت شئ مررعب تناظر منخفض لا مو منخفض جبال مرتفعه مررعبه لا مو جبال شلالات كاريليا المرعبه مرعبه في الليل مو باينه كانها جيال بس صوت المويا مزعج ومررعب توقف ساره وهي تبكي:ابعد عني تمشئ خطوه وحده بنتحر ابعد ثامر يحاول يرجع على ورا وهو يناظرها ويكلمها يحاول يستدرجه او يقنعها:لاتنتحرين ياغبيه ترا تموتين ساره تضحك وبنفس الوقت تبكي من كلمته:اكيد بموت اجل وش ثامر ابتسم:طيب تعالي والله ماذيج بس تعالي لاتخافين اصلا اعتبرج مثل اختي كل الي سويته مقلب ساره ويزيد صياحها:لا كذاب انت شربت خمر ثامر:والله ماشربته لاتخافين والله ماشربت بس اخوفج عقب الي قلتيلي عن اهلج ساره وتبكي:طيب ابعد عني انت وش تبي فيني ابعد مابيك روح ثامر:اخاف تنتحرين ساره:ايه بنتحر لو ماتروح ثامر:واذا رحت ساره:روح ثامر شافها فاقده اعصابها:خلاص بروح بروح بس لاتنتحرين ترا تموتين ساره ابتسمت وعيونها كلها دموع:ايه خلاص طيب روح ثامر مشئ وراح بعيد عنها وساره تترقبه وتناظر الى اختفى ارتاحت ورغم راحتها تحس برعب بذات انها بغربه ساره تناظر ورا تناظر الشلالات المرعبه الي كانها بفلم خيالي مو حقيقي لان الصوت صوت المويا مرعب والدنيا مظلمه تمشئ وتبعد شوي عنه وتحس بدوخه الدكتور:غريب دي خلود تعدت مرحلة الخطر الستر:الحمدلله الف نعمه خلاص يعني بتخرج من المستشقى الدكتور:ماعرفشي بتقعد هنا يومين وبنشوف حالتها الستر:اه خلاص عايزه اروح لها الدكتور:بس اقولك الستر:ايوه عاوز ايه الدكتور:دي شافت محاكمة ماجد الستر:لا ماشافتهاش الدكتور:طيب خليها تشوف حتى ماتفاجئ الستر:لا دي بتعب بزياده الدكتور:لا افضل دالواقتي تشوف حتى ماتنصدمش الستر:حاضر ماجد جالس بزاوية السجن ويفكر بخلود:آآآآآآآآآآآآخ ياخلوده اللحين وش قاعده تسوين يابعد قلبي الله يشفيك يارب انا احس اني بنجن بموت ياليتني اعرف وش قاعده تسوين (يسند راسه للجدار ويحط يده فوق راسه ويفكر بكل شئ يفكر بيوم خطفها وكيف شاف الخوف بعينها وتذكر بيوم زوجها كيف كانت خايفه ومرتبكه وكيف كانت تبي الكل يشاركها بالفرحه وتذكر بيوم تصارخ بوجه وتسب فيه وكلمة انا اكرهك الي عادتها كم مره وتذكر كيف خافت عليه بالمستشفى واول مره تظهر مشاعرها له وتصارحه بحبها وكيف واجهت قوات الامن وتظاهرت انها مخطوفه وانها ماتبيه وتذكر وهي تتفرج على البيت وكيف فرحتها وحركاتها الطفوليه وابتسامتها الجذابه وتذكر والشرطه تقبض عليه كيف خافت وبان بعيونه الفزع والرعب وتذكر وهي بالسجن تبي تشوفه وتحاول تقنعه يبلغ عن سعود)يضرب راسه بقوه بالجدار(الحيط) ياليتني بلغت ياليت ولا صار فيها الي شفته تعذبت كثير ياليت وش نفعني فيه سعود وش نفع الخاين ابموت من القهههر |
رد: جايب هالقساوة منين ؟ منين يا طيب كاملة
ثامر يمشئ وهو يفكر فيها وحزن عليها ثامر:ياليتني مامزحت معها مسكينه والله ماتتحمل ومحافظه بزياده يالله انا لازم اشوفها مسكينه بتموت برد عاد هي ماتتحمل ايه براقبها من غير ماتشوفني وبعطيها ذا اللحاف(بطانيه ثقيله) الستر:بس زي ماقلتي دا احتمال يشنقونه خلود تبتسم:مافيه شنق عندنا الستر:بيعدموه خلود:ايه امانه ياسناء قولي اذا حكموا على ماجد ولا لأ الستر سناء متزله راسها خلود:تكلمي حكموا بالاعدام صح الستر:بصراحه ماعرفش(تحرك راسها بالنفي ماتبي تقولها علشان ماتنصدم تبي تقولها بالتدريج خلود تحط يدها براسها وتجهش بالبكاء الستر:ماتبكيش خلود يزيد صياحها وهي ماسكه رقبتها وحلقها الستر تجيب لها مويا خلود تشرب وتسند راسها تفكر بالمستقبل الغريب عبدالله وهو في المطعم:يوه ذا شكله مطول خلني اروح اجيب لي كم غرض من السوبر ماركت يدخل السوبر ماركت ويشوف الجرايد المعلقه واول الصفحات صور ماجد بكل الجرايد عبدالله يقرا (تم القبض على سفاح المملكه اللذي قتل طفل امام ابواه واخ امام شقيقته)) عبدالله مفتح عيونه:مو معقول وخلود وين راحت حلوه وين راحت وش ابي فيها انا صاير ملجاء بنات خلصنا من مها بدا بخلودوه استغفر الله انا وش قاعد اقول مها مسكينه وحتى خلود بس خلود باعتني وهي الي قالته بعظمة لسانها الي يبعني برخيص ابيعه بلاش ثامر يوصل ويشوف ساره طايحه فوق صخره كبيره وجهها طالع لونه ازرق وشعرها متناثر عليه قطع من الثلوج يشوفها ثامر يحاول يقومها يمد يده لها:ساره ساره قومي وش صار عليج ساره لارد ولاحركه ثامر يلمسها قطعة ثلج طالعه من البروده ينزل جاكيته ويربطه على خصره علشان يسهل عليه حملها ويغطيها باللحاف الي معه ويرفعها ويشيلها وياخذها ام عبدالله وهي جالسه على السرير:ياويلي على حظي يابوعبدالله ابو عبدالله:وش فيك تولولين ام عبدالله:سويره وين راحت اختفت بلعتها الارض دورتها مالقيتها يوه ابوعبدالله برود:لاتخافين عليها ذي قطوه ام سبع ارواح ام عبدالله:ياربي وحنا وش سوينا نشرب خمر قدام بنتنا ابوعبدالله:انتي وش فيك معقده اسكتي بس هو كله شراب ام عبدالله:يوه عاد البنت بتموت اعرفها ماتعرف لاروسيا ولا لغتها ابوعبدالله وهو يغطي روحه لانه بينام:اوف مصيرها ترجع بس نامي اوف مها جالسه بغرفتها (غرفة الضيوف)تفكر:يالله انا لازم انسىىىىى عبدالله لان مو من حقي افكر فيه خلاص انا لازم انساه تقوم خلني اقراء قران احسن لي يمكن ربي يعطف على وينسيني من ملك فكري وعقلي وروحي خالد:ياهلا فيك عبدالله:ياهلا بالنسيب اخبارك خالد:الحمدلله هاه عسى عجبتكم عبدالله:ايه عجبتني وانا ماشفتها ههههههه خالد:خلاص متى الملكه تبي عبدالله:والله انتم الي حددو خالد:البنت جاهزه لو تبي بكره عبدالله استغرب:خلاص بكره بكره خالد ابتسم:خلاص زين بس انت وش الي جايبك لمطعم السمك عبدالله:ليه مايصلح اتعشىىىىى سمك خالد:لا وش دعوه خخخ خلاص عن اذنك ابروح للبيت تبيني اوصلك عبدالله:ايوالله سيارتي متعطله ذبحتني ذي السياره خالد:ليه ماراح تغيرها عبدالله:الا بغيرها بس مافضيت الا اللحين خالد:حرام مع انها جديده عبدالله:ايوالله قهر يالله وصلني ياراج خالد:هههههههههههههه راج هاه ايه قابلني دقها رجليه ولارح بتاكسي (راح خالد عبدالله:انتظر شوي امزح معك يامسيو رونالدو خالد:ايه كذا صح يالله اركب ورا بعد عبدالله:حاضر((ويركب قدام وهم يضحكون ثامر يحط سار فوق سريره الخشبي ويغطيها باكبر بطانيه عنده ثقيله ويروح يشعل النار بالموقد ويسوي حليب ساخن لها وشوربه بطعم الفلفل وبعد نص ساعه ثامر:ساره قومي قومي سارونه ساره تدعك عيونها:يوه يماه ابي انام مانمت الا الساعه 6 الصبح ثامر يضحك عليها وعلى نصبها وكذبها ثامر:قومي يالجذابه ساره تفتح عيونها بقوه وبصراخ:انت ثامر:ههههههههههههههههه ايه انا ساره تقوم:وش فيك وش تبي بغيت شئ ثامر بحزن:هذا بدال ماتشكريني ساره وهي واقفه:اشكرك على وش ثامر:كنتي بتموتين ساره:لا كلكم يارجال زي كذا تستعطفون الوحده وتسون نفسكم برئين الىىىىى ثامر:الى شنو انتي لج ساعه قاعده تخربطين اقولج هاي مو انا الي العب على بنات خلق الله واسمعي بعد لو كنت بأذيج منو الي بيمنعني ساره بصوت عالي:انا انا الي بمنعك ثامر:اقولج هاي انتي لسانج طويل وباين اني توهقت فيج مالي الا ارجعج لاهلج وافتك منج انتي ويهج ساره بحقد:اوف اصلا مين الي قالك اني بجلس عندك انا مليت وكرهت روسيا كلها والسبب انت وابوي وامي كلكم اكرهكم وماطيقكم بعيشة الله ثامر استغرب من حقدها وكرهها:طيب انا شو سويت لج ساره:ليه نسيت وش سويت انت والويسكي بجد قالو ايش قالو عرب كلكم اذا طلعتوا من دياركم تختربون ثامر:هههههههههههههه والله مقلب كنت امزح معج ساره:مزحك كان ثقيل وماكان بوقته ثامر نزل راسه ومشئ راح للصاله سر حست انها سخيفه من كلامها له وحست انها تجازي الخير بالشر ثامر يتكلم بصوت عالي:ياخت ساره تعالي ساره استغربت من كلمة اخت وطلعت باسف:نعم ثامر:انا بطلع علشان تاخذين راحتج وهاي الشوربه والحليب اشربيهم وانا اذا يت بيب معي العشاء ساره منزله راسها ولا نبست ولا بكلمه ولاحرف ثامر طلع وصك الباب |
| الساعة الآن توقيت السعودية الرياض و الدمام و القصيم و جدة 01:31 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.