ازياء - فساتين سهرة و مكياج و طبخ

السلام عليكى ورحمه الله وبركاته

ازيك يا اختى عامله ايه
يارب تكونى بخير يارب

طبعا كلنا هنا بنات فى مننا ف الجامعه
وفى لسه وفى امهات حفظهن الله
وطبعا زى ما احنا عارفين
انه الورقه والقلم مش كل حاجه
ولا حتى النت يمثلنا
اى حاجه لو انا مش بستفاد منه...

تعرفى يا غاليه لازم تكونى
مسلمه بجد تقدرى
تستغلى اى حاجه حديثه
اى حاجه مخترعه جديد
اى شئ فى اى شئ انه
يفيدك مش يعدى عليكى
كدا وخلاص ...فانا مسلمه

تعالى يا غاليه يا اختى فى الله نتعلم مع بعض
اداره البيت والطبخ ونظافه البيت تكون ازاى على
اساس علمى ومصادر موثوق منها ...

مش بيقولوا اسألى مجربه .
.انا كنت بذاكر كتاب الاقتصاد المنزلى
بتاع تانيه ثانوى ..
.واللى استفادتوا منه يا بنت الاسلام
هلخصهولك علشان تستفادى انتى كمان
..ولو عند اى اضافه تمام يا الله ينور عليكى
انا موافقه يا سلام ده يبقى تواضع منك...

قبل لنتعلم اساليب الاداره
والاصناف المختلفه من الاكل واى حاجه تخص البيت ..

لازم نهتم بيكى انتى الاول ...
كام حاجه كدا ع السريع حطيهم فى دماغك
علشان تقدرى تكونى ست بيت شاطره ...

بصى يا غاليه ...حافظى على صلاتك دى هى حياتك

نظمى وقتك علشان يسهل شغلك..

ابعدى عن السهر لانه بيأثر على عنيكى
ودى احلى واجمل حاجه فيكى ...
.انا بسهر لانى ف الاجازه وفاضيه مش
وارى حاجه وبستفاد م النت كمان...

اهتمى باكلك ويكون بنظام علشان مش
تتعبى ولا يأثر على منظرك العام ورشاقتك..

اول ما تيجى تاكلى .
.سمى الله..
.اغسلى ايديكى ..
.لازم تاكلى فاكهه قبل الاكل.
.بتظبط معدتك.
.اشربى ميه بعد ما تخلصى ...
اغسلى ايدكى .
..الحمد لله الذى رزقنى هذا من غير حولا منى ولا قوه.
والحمد لله الذى اطعمنى هذا
ورزقنيه من غير حول منى ولا قوه

علشان ربنا يغفرلك يا اختى

لازم تاخدى بالك من صحتك ..

دى اول حاجه بس وهنكمل
بعدين مع "بيت أبله إيمان" ونكمل المسيره يا مسلمه
ان شاء الله

دمتم فى حفظ الرحمن