يوميات سرحان ونفيسة الجزء 4
 

بصو بقه كلنا لازم نساعد بعض
احنا هنعمل خطه الجوهرى او حسن شحاته لمراقبه نفيسه
بسببكم امبارح فضلت اجرى لحد اما وصلت لبيا وانا مش عارف
كلنا نراقب عدوله واى حد يشفها جيه من بعيد يبلغ المقهور والمظلوم والمنحوس سرحان
اكملكم بقه حكيتنا
احنا وقفنا لحد فين امبارح اه
ركبتها وركبت ومشينا وكل الناس كانت بتفرج علينا واحنا مشين مش عارف ليه
بس بعد كده عرفت السبب
كانو بيتفرجو على الشبشب بتاعى التحفه
قولت الف شويه بالكرو
على الله يطمر فيها لفينا بتاع حرتين
والناس كلها بتضحك مش عارف ليه تانى بص جمبى لقيت اللى متسماش مسكه عود قصب ونزله فيه مص انا كان هيغمى عليه من الصدمه
المفجوعه بتاكل لوحدها حتى مهنش عليها تدينى حته
اعمل ايه بس نصيبى وقدرى احب واتجوز مفجوعه
ودخلنا فرحنا اللى كنت عمله فى اجمل مكان فى عزبه القرود
فوق سطوح عباس ابن خالت حسن قريب محمد اخو حسين ابن عم توفيق صحبى
منها لله دانا فضلت اتحايل على توفيق شهرين لحد اما وافق قال ايه توفيق خايف على العماره من نفيسه بيقول نفيسه وزن تقيل
بينى وبنكم هو عنده حق
ايه بتقولو ايه شوفتو نفيسه جيه من اسوان
عدوله دى حياتى خف الريشه
ايه بتجرى عليه ياماما
اجرو دى مبترحمش


اه يانى
منك لله يلى فى بالى اما كانت علقه
اوعو تفكركم يوديكم لبعيد انا اقصد علقه منى لنفيسه روقتها امبارح
اه اه اه اه
ليك يوم يامفترى ايدك تقيله

المهم اكملكم حكيتى مع اخر صبرى عدولتى
احنا وقفنا لحد فين
اه وقفنا لحد اما
دخلنا فرحنا اللى كنت عمله فى اجمل مكان فى عزبه القرود
فوق سطوح عباس ابن خالت حسن قريب محمد اخو حسين ابن عم توفيق صحبى

اول مدخلنا الفرح ملقتش ولا مخلوق غير توفيق صحبى
حتى ابوها مجاش
طيب انا يتيم انما هى حتى اهلها مجوش

رد: يوميات سرحان ونفيسة الجزء 4