ازياء - فساتين سهرة و مكياج و طبخ

بكيت والدمع بل هدومي
يمه حبيبتي يمه لا تخليني
يمه يا بعد عمري
يمه انا ولدك إلمن تركتيني

آه اجر الصوت من صدري
اجر الصوت من حزني
من رحلتي جرحتيني

يمه الدار من دونك قبر
وابوي المسكين من القهر
ضمني يداويني

يمه من يعوضني حنانك
يمه يابعد عيني لا تخليني
يمه اموت من الحزن
اموت من الالم
ونفس واحد منك يحيني

آه يمى يا بعد روحي
بربك لا تخليني
يمه من يضمني انا واخواني
من الخوف يحميني
من يقوم الليل يغطيني
من وقت المرض يحضني يداوني
من يضحك بوجهي من يواسيني
من يوم الجوع
يحرّم الخبزه على روحه يطعميني
من يوم أنجح يقبلي يهنيني

يمه يابعد كبدي
لا تروحي تخليني
يمه امانه يمه لا تخليني

يمه اظل خلف لبواب
ان رضي هذا يدخلني
وان غضب يخليني

يمه اصير بيد البشر لعبه
هذا يرحمني وهذا يبكيني
هذا يحرمني وهذا يعطيني
هذا يجرحني وهذا يواسيني

يمه وان كل ولد
ارتمى بحضن امه
وانا يمه إلمن تركتيني

يمه لو كل الناس
ضحكة بوجهي وإنتي ضربتيني
اظل أحن لضربك
وانسى ضحك من يبكيني

امانه يمه احضنيني
ولو مره وقبليني
امانه يمه لا تروحي تخليني