ازياء - فساتين سهرة و مكياج و طبخ

المقادير :
1 – 1 كيلوا برغل ناعم
2 - نصف كيلو شحمة ( لية ) او اذا انتي بتحبيه مطفاية او مسئسئة او عادية
3 – نصف كيلو جوز ناعم
4 – نصف كاسة شاي دبس رمان او اذا بتحبي فيه لدعة حموضة لانو بيئبل على الاكل
البهارات الحارة :
1 – 5 ملاعق كبار فلفل اسود
2 – ملعقة فلفل ابيض
3 – ملح حسب الطلب
4 – ربع ملعقة شاي صغيرة كمون
البهارات العادية :
1 – ملح حسب الطلب
2 – فلفل ملعقة شاي صغيرة جداً
3 – ربع ملعقة كمون
طريقة التحضير :
1- منجيب طشط ( طاسة غميئة ) لحتى تحطي فيهم البرغل براحتو
وبنرش على وجههم مي فاترة او سخنة شوي رش حصراً يعني ما منحط فوئهم المي كانو عم نقعهم رش ومنحركهم دقيقتين ومنغطيهم لمدة 30 دقيقة
2 – منجيب مئلاية كبيرة ومنحط فيها اللية ومنحمصها مع البهارات اعلاه
3 – منجيب البرغل المطحون بالماكينة لحتى يصير معجون متل المرهم ومنخلطو مع اللية الي حمصناها
4 – منجيب الجوز والدبس منخلطهم مع بعض ومنبلش نحشي الكبة
طريقة حشي الكبة :
3 - بتجيبي طاسة صغيرة فيها ماء عادي وبتخليها جنبك
4 - بتحطي على راحة الكف ماء رشرشة يعني ماء قليل وبتبلشي تحطي كمشة برغل وعلى حسب انتي كيف بدك قرص كبير قرص صغير على حسب الي انتي بتحبية وبتبلشي تئرصيه يعني بتحطي اصبعك بالنص وبتبلشي تعجنيه حولين اصبعك لحتى تشوفيه صار على شكل كوسا محفورية وبتخلي فتحا فيه للحشي متل الباقي .
طريقة الشوي :
1 – منجيب اشكال الكبة الي عملناها ومنحطهم اما بالفرن او فوق شوايا اليم نشوي فيها الكباب او الشيش طاوق او اللحمة بس فوق الشوايه اطيب واطيب
2 – منبلش نحط الكبة على الشواية وانتي هون بتشوفيها كيف بدك ياها مئمرة ولا عادية وطبعاً بتئلبيها كل شوي وخليكي جنبها لحتى ما تحترق .
مقبلات الكبة المشوية :
في كتير مقبلات الها بس عندك الفتوش والتبولة والبطاطا
وصحتين وهنا