ازياء - فساتين سهرة و مكياج و طبخ - تهددني بتتركني!,,,توكل ماابي طاريك..

تهددني بتتركني توّكل ما أبي طاريك
تراني عفت اسلوبك وعفتك قبل اسلوبك

أنا ماني بتابع لك وكل همه يجي يرضيك
أنا سيد لأسيادك وفارس رغم عذروبك

تراني يوم أقوول آسف تحسبني بعد أبغيك
تمهل واسمع الباقي وخل الناس يدرو بك

إذا كان الوفا في الحب تجرحني وذا يرضيك
دخيلك ضف لي وجهك ترى قلبي مهو بصوبك

أنا لا جبت طاري الحب نطق قلبي وهو شاريك
حرام اللي تسوينه أنا ثوبي مهو بثوبك

أقابل حبك الجافي بحب (ن) صادق (ن) يرويك
أشوف الزيف في ضحكك وأجامل واستر اعيوبك

تحملت الخطأ منك كتمته ما أبي أشقيك
صبرت وقلت يتغيّر مع الأيام محسوبك

عطيتك قلبي الغالي رجع لي باكي(ن) يشكيك
يقول أوفيت أنا وياه ... طعني ...صار يلهوبك

خذيت القلب ضمدته ....صرخت ...علّتي هي فيك
تشوف الناس تجرحنا وتسمح من لفا صوبك

أبيك اتوب يا قلبي ترا هالحب هو يفنيك
أبيك اتوب من عالم تخادع تروي إذنوبك

كفايه ما تحملنا ..كفايه دمعتي تكفيك
كفايه من مآسينا ...كفايه غير ادروبك

كفايه لا تعذبني ...كفايه ما بها تشكيك
كفايه صادقه مني ولك انسان يسمو بك

كثير اللي تمنوني أكابر وأعلن التفكيك
أقول .. ( القلب ) ..هو غالي ولا انته قد مطلوبك

حسافه عشرتي ويّاك ..حسافه كنت في ماضيك
حسافه بختم الأبيات ..وبفرح لحظة إغروبك

أبيات أعجبتني أتمنى تروق لكم’’’