ملف شامل للعناية بالبشرة والشعر
 

وصفة رهيبة لجسم تخليك ابيض من القشطة واصفى من الحليب:
3 ملاعق كبيره حليب باودر
4 الى 5 ملاعق هرده ( طحينيه السائلة مو الحلاوة الطحينية )
عصير ليمونه وحده
3 الى 4 ملاعق سنفره جسم ( اي نوع بس يفضل على مشمش )
ماء حسب الكميه للعجن
وبس تخلطون المقادير كلها مع بعض وتدهنون فيها الجسم وتخلونها ربع ساعة الى نص ساعة واللي تبي تخلي اكثر يكون احسن مايضر
بعدها راح تكون ناشفة تقومون تفركون جسمكم بايدكم مو بالليفة بحركة دائرية وراح تطيح من جسمكم وبعدها تتروشن عادي وتحطون شاور جل او اي شي تبون وشوفوا بعدها النظافة واللمعان والريحة الحلوة
بس ها ترى ماتصلح للوجه ترى قوية عليه
وانا انصح العرايس فيها اذا يسونها بالاسبوع مرة او مرتين بيلقون نفسهم ابيض من القشطة وانعم من الزبدة
وهي تستعمل مرة او مرتين بالاسبوع

مهمم لكل عروس متوهقة في إزالة ال(....) عندي لكم الحل بالتفصيل الممل

أول خطوة لهذا الشي لازم الشعر مايكون طويل ولا كثير مرة يعني يكون قصير مقصوص ومخف بمقص او يكون محلوق قبل كم اسبوع مايقل على 3 اسابيع يكون اخذ وقتة في النمو وصار سهل الإزالة ..
تعرفون ليش لازم يكون قصير ومو كثيف؟؟ علشان ما يألم بالشيل

ثاني شيء النظافة لازم المنطقة تكون مغسولة ونظيفة علشان البكتيريا ماتنتشر في المكان وتسبب حبوب.. واليدين لازم تكون مغسولة ونظيفة علشان ماتنقل الجراثيم للمنطقة.

نحتاج علشان تتم علية النتف بنظافة وإتقان ل

1-الحلاوة تكون من النوع الجيد وأنا أرشح لكم حلاوة ممتازة مررة تباع بالصيدليات والسوبرماركت إسمها (زهرة سويت مصنوعة من العسل ) هذي تجي بكرتون وفية 4 أكياس حلاوة مغلفة وسهلة الاستخدام حتى ماتحتاج تسخين .

2-سكر مخلوط مع موية بس السكر اكثر من الموية يذوب في الموية (يدهن على المنطقة لآنه بعد مايجف ونبدأ نشيل بالحلاوة بيتلصق بالشعرات والجلد الميت ويشيله مع الحلاوة)

3-ملقط للمسات النهائية او آلة براون(أنا أرشح الملقط لآنه اسهل من المكينة) علشان نشيل الشعيرات المتناثرة والي الحلاوة ماقدرت تشيلها .

4-نشاء ذرة+ليمون+ماء ورد .

5-مراية علشان تقدرون تشوفون المنطقة وتشيلون كل الأماكن.

6- كريم فيسودين الي بخط أحمر.)موجود بالصيدليات

طريقة النزع:-

أولا ندهن خليط السكر والموية ونتركة ينشف وبعد كذا

ناخذ كيس الحلاوة ونسخن الحلاوة بحرارة اليد ونمدها لحد ما تصير مرنة وسهلة الاستخدام.. نأخذ قطعة صغيرة من الحلاوة قد العلكة(اللبانة) ونبدأ أول شي بخط البيكيني (أطراف ال.. ) بعد مانتهي منه . نبدأ النتف من الأسفل للأعلى حتى .. ولا تنسون كل زاوية في ... حتى من الخلف .. المراية بتاسعدكم ..

بعد مانتهي من النزع نمسح المنطقة بمناديل فيها زيت اطفال او مناديل ديتول المطهرة .. ونجيب الملقط ونزع الشعيرات القصيرة.. بعد كذا نجيب خليط النشاء والليمون وماء الورد .. وندهن المنطقة فية حتى يجف وبعدين نشطف المكان ونحط مرهم فيسودين ..
شوفوا كيف المنطقة بتصير ناعمة زي الأطفال

ملاحظة استمروا بدهن المنطقة بمرهم فيسودين كل يوم لمدة ماتقل عن 4 ايام لضمان عدم التهاب المنطقة وظهور الحبوب والدمامل


نصيحة أخيرة لازم تشيليون الشعر قبل الزفاف بمدة لاتقل عن 3 او 4 ايام مع الاستمرار في دهن مرهم فيسودين

اتمنى يكون شرحي واضح

تحياتي

رد: ملف شامل للعناية بالبشرة والشعر
 

مشكوره

رد: ملف شامل للعناية بالبشرة والشعر
 

يسلمو ياعسل

رد: ملف شامل للعناية بالبشرة والشعر
 

شكرا يابنات ع الردود الله يعطيكم العافيه