ازياء - فساتين سهرة و مكياج و طبخ - اكلة جديدة بس بجد بجد....... اوعى وشك

السلام عليكم ورحمة الله وبركاتة

النهاردة جايبالكم
حتة اكلة انما اية روعه بجد تحفه هتاكلو صوابعكم وراها
نبدأ بقى مع بعضينا

المقادير لشخصين:
ربع كيلو لحمة مفرومة
بصلة متوسطة مفرومة او مبشورة
فلفل اسود
بهارات
زيت للتحمير
عصير حوالى 4 طماطمات
بصلة تانية متوسطة ومفرومة برضة
جزرة مبشورة
كركم
فلفل اسود تانى
ملح

الطريقة:
1-هنجيب اللحمة ونحط عليها البصلة الاولانية والفلفل والبهارات ونقلبهم كويس ونسيبها تتبل شوية

2-هنقطعها كور ونحمرها فى الزيت لحد مايبقى لونها بنى فاتح كدة ونشيلها من الزيت ونصفيها على مناديل مطبخ

3-هنجيب بقى حلة ونحط فيها البصلة التانية ونصفرها فى شوية زيت ونضيف حوالى نص معلقة شاى كركم ونقلب وبعدين نحط الجزر ونقلب برضة

4-هنحط عليهم الطماطم والفلفل الاسود ونسيبها تتسبك
5-هنجيب كرات اللحمة ونحطها على الخلطة الجهنمية دى ونقلب وبعدين نحط حوالى كوباية مية واول ماتغلى نوطى عليها النار خالص ونسيبها تستوى وبعدين نحط الملح قبل النضج بحاجة بسيطة

6-وتقدم مع الارز بالشعرية والسلطة الخضرا

شكلنا بعد الاكل
http://www.al-7up.com/vb/imgcache/2/29051love.gif