ازياء - فساتين سهرة و مكياج و طبخ - شعرك مجعد جاف كشه ... تعالي وبتلاقين الحل عندي ::

شخباركم .. عساكم بخير و سهاله .....

تبين شعرك يصير ناعم الملمس و فيها لمعه ...عندي لك خلطه رهيبه ...

انا طبعاً وايد اتلعوزت ويا شعري ... ما خليت زيت و لا خلطه ما استخدمتها ... بس الحمدلله لقيت هذا الحل الي حصلته في منتدى ثاني من زمان وجربته... شعري وايد اتحسن التموجات استوت مرتبه وفيها لمعه حتى ما قمت استشور شعري مول ...وكل من شافني يسالني شو حاطه في شعري و الكل متخبل على شعري والله روعه ....

الخلطه هاي وايد حلوه اتنعم و تعطي لمعه رهيبه واتطول بس طبعاً التموجات الي في الشعر ما اتروح بس الخلطه اترتبها ...

المهم خلوني اقولكم الخلطه لاني وايد طولت عليكم ...

المقادير:

علبه زيت باراشوت كبيره

فنجانين قهوه محلب مطحون

بنات انتبهوا المحلب غير عن الحلبه ... الحلبه فيها ريحه مو حلوه .... بس المحلب ما فيها ريحه ...

الطريقه:

اخلطي المحلب المطحون في علبه الزيت و خضي عدل ..
كل ما بغيتي تتسبحين حطي الخلطه على شعرك من الفروه حتى الاطراف ... بس اهم شي في الموضوع كله انكم تفركون فروه الراس عدل باصابعك لمده ربع ساعه.... صح انه مده الفرك طويله بس كل شي يهون عشان هاي الكشه ترقد .... والله النتيجه رهيبه .. حتى لما اتخلصين من غسيل الشعر بتشوفين انه ما في تشابك في الشعر مول... والله بنات جربوه و ما بتندمون

للامانه
منقول