ازياء - فساتين سهرة و مكياج و طبخ

قصة سندريلا
تدخل مرات الاب على سيندريلا في الدولاب الي بتنام فيه

مرات الاب : بت يا سندريلاصحى يا بت كاك خابط فى نفوخك

سندريلا : ايه يا مرات ابويا خمسه اخطف حلم سريع بس وحقوم
مرات الاب: قومى يا بت قامت قيامتك
وصحيت سندريلاوهى بتأفأف وتفتف
مرات الاب : ياله قومى اكنسى وامسحى على ما نيجى
سندريلا : وانتو رايحين فين ومتزوقين كده وكل واحده عامله نيو لوك روش
مرات الاب : رايحين حفله الامير اللى هيختار واحده عشان يتجوزها
سندريلا : خدونى معاكو انا عاوزه اروح بليز بليز
مرات الاب : ايه بليز دى كتك القرف وتروحى فين يا ختي بلبسك المهرول ده انا عايزه ارجع الاقى البيت بيبرق من نضافته
ومشيت مرات الاب وبناتهالخمسة وقعدت سندريلا تعيط وتوأوأ
وفجأه طلعتلها الساحره من البوتاجاز
الساحره : مالك يا سندريلا
سندريلا : كان نفسى اروح معاهم الحفله بتاعة عمرو دياب بس لبسى مقطع و موبايلى مفهوش كريدت(رصيد) ولابسه شبشب بصباع
الساحره : ولا يهمك
وطلعت الساحرة من جيبها الموبايل وطلبت الاتليه بتاع مدام لولو يبعتو فستان وجزمه اخر موديل
فرحت سندريلاولبست وحطت الايشادو و الجليتور ورشت البرفان
بس الساحره قالتلها : قدامك للساعه 12 لازم ترجعى والوقت كالحبل ان لم تقطعة ربطك وكعبلك وقعد يخنق فيكى...........
انا صعيديه ودمى حامى ومعنديش بنات تتأخر
و لو اتأخرتى هترجعى زى ما كنتى بلبسك القديم وسط الناس يامعفنة انتى بت بيئة صح
سندريلا : حاضر حاضر اما ساحره زبالة صحيح
سندريلا من البيت لقت الساحره مجهزة عربية هوندا ركبت سندريلا وراحت ع القصر
ولفت جمالها كل اللى موجودين و اول ما عين الامير وقعت عليها راح وطلب يرقص معاها و وافقت
نظرات ... همسات .... صمت ........ حب
ترن ترن
سندريلا : ده الساحره بتدينى ميسد كول .. يا خبر الساعه 12
وقامت طالعه تجرى وقال ايه ... وهى بتجرى فرده الجزمه اتخلعت.. و خدها الامير
المعجب و نده للوزير
الامير : يا وزيرهيثم
الوزير : امرك مولاى
الامير : خد الجزمه دى اسحبلى صورتها اسكانر
و نزل صورتها فى كل الجرايد و ع الويب سايت بتاع قريتنا وعلى قناة ميلودى افلام
واكتب الى صاحبه هذه الجزمه التوجه للقصر الملكى فورا
بنات كتير جدا راحو و يا سبحان الله الجزمه مجتش على مقاس حد فيهم (ال يعنى سندريلامقاس رجليها رجل معزه )
وبعد كده شاهدت سندريلالاعلان عن فرده الجزمه على ام بى سى تو
مع انه معملش اعلان خالص على القناة دى
وقامت بالتوجه الى القصر وتزوجت هى والامير
وعاشو فى تبات ونبات و خلفو تؤام ملتصق وشويه بنات والحياة بقت بمبى بمبى.

منقول