ازياء - فساتين سهرة و مكياج و طبخ

هقوللكو شويه نكت يارب تعجبكو بس ركزو معايا
وهتلاقو فيها نكت تخنق بس والله حلوة
يلا مش هطول عليكو بس بامانه قولولى رأيكو بصراحه

*امته السما يبقى لونها بتنجانى.....لما الدنيا تبقى مسقعة
*ليه القطر مهم.....عشان تحته خطين
*ليه سندويتشات البرجر والبطاطس والكفته بتجرى.........عشان وجبات سريعة
*ليه اليابان معندهاش حنان.........عشان فى قارة اسيا
*ليه البرازيل معندهمش تين.....عشان فى امريكا اللاتينية
*واحد نايم بيحط جنبه منبهين.....عشان واحد يضرب والتانى يحوش
*حاجه بتجرى وعندها راسين و8 رجول......كلبين بيجرو جنب بعض
*ليه القرد سريع........عشان القرد فى عين امه غزال
*فرخة معلقة فى رقبتها سلسلة فيها صورة بيضة......صورتها وهى صغيرة
*فرخة معلقة فى رقبتها سلسلة فيها صورة طبق اومليت.......صورة اخوها الشهيد
*ايه الفرق بين اليسا وعمرو دياب...اليسا بتعمل شريك كاست وعمرو دياب بيعمل شريك كاراجل
*ليه المنبه بيرن......زعشان مش معاه رصيد يتصل
*ليه القطة بتخربش......عشان نفسها تكسب
*عكس بالونه........نشفونا
*خمسه قاعدين فى اوضه كل يوم واحد يخرج.....بيلعبو ستار اكاديمى
*واحد ماشى فى الشارع لابس شوذ ابيض.......عشان ماشى مع الطقم
*واحد واقف قدام المرايا ومغمض........بيشوف شكله وهو نايم
*واحد بيقول لواحد قوللى انت مين وانا اقوللك انا مين..قالله انت مين رد قالله انا مين
*واحد غبى عايز يموت مراته حطلها مسدس فى الشوربة

يلا كفاية عليكو كده المرة دى
لما افتكر تانى هقوللكم بس يارب دول يعجبوكو
مش عايزة حد يزعل منى هما يفرسو
ههههههههههههههههههههههههه