الرضاعة الطبيعية لصحة طفلك...
 

http://www./up3/get-3-2008-zhcwb9uv.gif


الرضاعه الطبيعيه

طبعا كلنا عارفين ان لبن الام هو امثل غ\اء للطفل فى شهورة الاولى

طب ليه؟

طبعا فى لسته طويله بفوايد لبن الام انا هختصرها
و اقولكو اهمها

1: مش محتاج تحضريه هو دايما جاهز و بدرجه حراره مناسبه

2: يحتوى على جميع العناصر الغذائيه الهامه لطفلك
و خاصه الاجسام المناعيه
فهو غذاء متوازن للطفل

3: بيساعد على تقويه العلاقه بينك و بين طفلك لان مفيش و ضع بيقربكو من بعض قد و ضع الرضاعه


4:الرضاعه بتساعدك على ان الرحم بتاعك يرجع لحجمه الطبيعى بفضل هرمون الاوكسيتوسين اللى بيساعد على انقباض عضلات الرحم

و غيرها و غيرها من الفوايد اللى كلنا عارفينها
انا حابه اتكلم عن اكتر اساله بتحيرنا فى موضوع الرضاعه ده

يعنى مثلا:

امتى ابدا ارضع طفلى؟

هقولك على قد متقدرى ابداى رضعى طفلك بدرى
اول متحسى انك قادرة ترضعيه
طب ليه؟

عشان فى الساعات الاولى من الولاده بيكون قوة المص و الشفط عند طفلك اعلى فدا بيساعده انه يعرف يرضع
و كمان كل مبدا يرضع بدرى بيساعد على ادرار اللبن وكل مبيرضع اكتر لبنك بيزيد اكتر
و اهم حاجه انه يستفيد من لبن السرسوب و اللبأ
و هو مهم جدا من حيث قيمته الغذائيه
و لانه غنى بالاجسام المناعيه

ازاى ارضع طفلى ؟

اول حاجه ايدك تبقى نضيفه
تكونى قاعده فى وضع مريح
ايدك تبقى ماسكه البيبى بحيث يكون مايل لنحيتك
جسمه كله و ليس وجهه فقط

زى الصورة دى



http://www.nsaayat.com/up/uploads/nsaayat998f919fed.gif


تكونى ماسكه الصدر بايدك اربع اصابع من تحت و صباعك الكبير فوق

تمشى الحلمه على الشفه السفلى هتلاقيه فتح بقه
و بدا يرضع

لازم تتاكدى من اربع حاجات:

1: يكون فم الطفل مفتوح على اخره
2: دقنه تكون ملامسه لصدرك
3:الشفاه السفلى تكون مقلوبه على بره
4:الجزء البنى من الحلمه يكون باين من فوق اكتر من تحت

البيبى لازم يكون ماسك الجزء البنى اكترة فى بقه مش الحلمه بس
لانه كده هيبلع هوا كتير و هيجيله مغص
و هيجيبلك انتى تشققات و جروح للحلمه
http://t1.gstatic.com/images?q=tbn:A...cxr-9b47Racu3-



اعرف ازاى ان طفلى بدا يرضع؟

هتسمعى صوت البلع
هيبدا يرضع شويه وياخد كام ثانيه راحه

امتى اعرف انه خلص رضاعه؟

لما يخلص هو هيسيبه بنفسه

طيب خلص رضاعه اعمل ايه ؟
هتقعديه بالراحه على ريجليكى و تخبطى بهدوء على ضهره عشان تطلعى الهوا
او تنيميه على بطنه و و بالراحه برده تخبطى على ضهرة

ارضعه كام مرة فى اليوم؟

كل ميعوز يرضع رضعيه انا بصراحه مش بقتنع خالص بتنظيم الرضاعه
لان مش كل طفل زى التانى فى اطفال بترضع كميات قليله كل مرة فبتحتاج عدد مرات اكتر
و فى اطفال بترضع كميه كبيرة فبتقعد فترة طويله بين كل رضعه والتانيه

يعنى ع الاقل 8 مرات كل يوم


ملحوظه:

لازم لما ترضعى طفلك تخليه يرضع من كل ناحيه لاخرها عشان اللبن الخلفى بيكون اكثر دسامه من اللبن الامامى فبيشبع الطفل اكتر

اعرف ازاى ان طفلى اخذ كفايته من الرضاعه؟

البيبى بيكون هادى بعد الرضعه و عاده بينام بعد الرضاعه مش بيعيط ولا بيمص فى صوابعه


بيعمل حمام بانتظام و معندوش امساك

وزنه مش بيزيد الزياده المناسبه


منقول للافادة

اتمنى كلنا نستفيد اشوفكم على خير



http://www.pennyparker2.com/advice3.gif

http://lovely0smile.com/images/Card/bn-168.gif

رد: الرضاعة الطبيعية لصحة طفلك...
 

رد: الرضاعة الطبيعية لصحة طفلك...
 

رد: الرضاعة الطبيعية لصحة طفلك...
 

رد: الرضاعة الطبيعية لصحة طفلك...