ازياء - فساتين سهرة و مكياج و طبخ - ليه تجرح وانت تدري عن غلاك ؟??

ليه تجرح

وانت تدري عن غلاك..؟!

وليه تنكر

طيبة اللي باع هالدنيا وشراك..؟!
وانت عارف
كم مشيت دروب تملاها الجراح..
وكم تحديت الزمان صامد بوجه الرياح..
ما بكيت
ولا شكيت
ولا نسيت
إن انت قاسي..!!
وإن كل اللي مضى راح من ضمن اللي راح..

كنت أحبك وأتلذ بالغرام..

وما دريت إنْ مالي في حناياك اهتمام..

كنت أشوفك نجمة تضوي وجودي..
وكنت وحدك منيتي وأجمل وعودي..
لكن..!!
للأسف كل شي تغير..
بعد كل اللي سمعته انقلب وقتي ظلام
و رحت أعزي فيك قلبي
وإلا جرحي.. ما على جرحي سلام

يارفيقي..لو تطول

يمكن الدنيا تدور

والليالي والشهور

ويمكن أنسى عشرتك..وكل اللى فات..
بس قول..
ودك أجمع من قسى الكلمات..؟!
وأهديها لعيونك
بكل جرح
وبكل آآآه
لأْن قصتنا عقيمة مالها عندي حلول..

ليه ساكت.؟؟!

ما تكلم..

ياللي بالغدر متعلم..

وربي إني غارق بجرحي متألم..؟!
يالله يامن كنت رفيقي والمعلّم..!!
حط نفسك في مكاني
واجه اللحظة الحزينة..
لو اْنك انت اللي تعاني
وتبيع هالعالم عشاني
وأنا أرمي بذكرياتك
وكل أوراق المحبة
خلف أسوار المدينة..
وكل همي
هي جراحك
هي طعونك
أتفنّنها في زماني..
وانت وحدك كل ليلة
تذرف دموعك دفينة..
لا أنيس ولا جليس ولا حناني
غير جرحك تسامره بلحظة حزينة..
يلله يامن كنت حلمي
والأماني..
حط نفسك في مكاني
واجه الصدمة الحزينة