ازياء - فساتين سهرة و مكياج و طبخ - ياحي صوتك يا هلا في مجية

ياحي صوتك يا هلا في مجية
تو زان سمعي من بعد شين الأصوات
مبطي وأنا مشتاق للجاذبية
اللي معه صوتك ونبرتك بالذات
غرد وخل الصوت يعلن دوية
بجاري حروفك دخيلك بلا إسكات
فيني كدر ضايق وحاير وفية
همٍ من الهاجوس ماصابه أشتات
يوم الجسد ميت وله روح حية
كيف الحياة أتكون في جو الأموات
أقرب من الكذبه ودمج الخطية
لاكن حقيقة واقعي والمعانات
واللي خذاني من هموم القضية
شرواك ياللي تقلب الهم ضحكات
عانه وصالك للحياة الهنية
بشرى مقيمه ماطوتها الخلافات
منها السعادة يوم كانت خفية
سعادتن ما نلتها أبكل الأوقات
لأنك خوين ما يبور أبخوية
لو طالت المده وحارت مسافات
ولأنك مسار العمر وحلم البقية
بدور برضك مثل دور المجَرات
معلن وداعي للحياة الشقية
ولمصافح البسمه سلام وتحيات
يابو مزايا مانجبتها البرية
أبختصرها وأعتبرها لك أوصات
بنبيك في بعض البيوت النقية
وأرجو جنابك يلتمس عذر الأبيات
مابيك غير اللي خذته الحمية
فزاع خلقه لا تحريت فزعات
ولابيك شارد عن سواعد يديه
لا ضاقت أبعينك فجوج الوسيعات
كذا يكون الحب بسم الهويه
وأصيح بعلا صوت ياحزن هيهات

الشاعر عادل عوض الرشيدي