ازياء - فساتين سهرة و مكياج و طبخ

ازياء - فساتين سهرة و مكياج و طبخ (https://fashion.azyya.com/index.php)
-   السيدات و سوالف حريم (https://fashion.azyya.com/20)
-   -   ماذا تعرف عن؟؟؟؟ (https://fashion.azyya.com/238498.html)

في الاحلام 04-18-2011 06:28 PM

ماذا تعرف عن؟؟؟؟
 
https://www.s3udy.net/pic/decoration001_files/14.gif

ماذا تعرف عن؟؟؟؟




جاء رجل ومعه دجاجة مذبوحة ( يعنى ميتة ) وكان



رايح لمحل الدجاج

عند راعي الدجاج علشان يقطّع الدجاجة فقال له راعي الدجاج خلاص روح



وارجع بعد ربع ساعة وتعال لي تلقاها جاهزة

قاله صاحب الدجاجة : خلاص اوكى

*

فمر قاضى المدينة على راعي الدجاج



وقاله :عطني دجاج

وهى لرجال بيرجع الحين

قاله القاضى : خلاص عطني اياها واذا جاك صاحبها قول له الدجاجه طارت

قال راعى الدجاج : وشلون مايصير؟؟ هو جايبها ميته كيف ؟؟؟

قالة القاضى : اقول لك قول له كذا ولا عليك وخليه يشتكى ولا يهمك

قال راعى الدجاج : اوكى والله يستر






*

جاء صاحب الدجاجة عند راعى الدجاج وقال له وين دجاجتى ماخلصت

قاله راعى الدجاج : والله دجاجتك طارت

قال صاحب الدجاجة : وش تقول كيف؟؟؟ صاحى انت... أنا جايبها ميتة

وصار بينهم شد في الكلام وبغوا يتهاوشون

فقال صاحب الدجاجة : امش معاى للقاضي علشان يحكم بينا هناك ويطلع الحق







فراحوا للقاضي وعند ذهابهم للقاضي في الطريق شافوا اثنين يتهاوشون


واحد مسلم والثاني يهودي

فجاء راعي محل الدجاج يفرع بينهم ( يفرق بينهم ) ولكن إصبعه

دخل في عين اليهودي وفقعها

فتجمع الناس ومسكوا راعي محل الدجاج وقالوا هذا اللي فقع عين اليهودي

فصارت القضية قضيتين فوق رأسه



فجرّوه للمحكة عند القاضي فيوم قربوا من المحكمة حاول يفلت منهم وهرب

وجروا وراه يلحقونه يبون يحاكمونه لكنه دخل في مسجد وهم وراه

وطلع فوق المنارة وهم وراه آخرتها طمر نقز من فوق المناره إلا وهو على شايب

فمات الشايب من أثر طيحت راعى محل الدجاج عليه


فجاء ولد الشايب وشاف أبوه ميت فلحق راعى محل الدجاج ومسكه هو ومعاه باقي الناس


فذهبوا به إلى القاضي

فلما شافه القاضي ضحك يفكره علشان سالفة الدجاجة

مادرى أنه عليه ثلاث قضايا

1) سرقة الدجاجة

2) فقع عين اليهودي

3 ) قتل الشايب


*

فعندما علم القاضي مسك راسه وقال عز الله انك جبت العيد

فجلس يفكر القاضي وقال خلونا ناخذ القضايا وحدة بوحدة


*

المهم نادى القاضي صاحب الدجاجة

قالة القاضي: وش تقول في دعواك على راعى محل الدجاج

قال صاحب الدجاجة : هذا ياقاضى سرق دجاجتي وأنا معطيه إياها وهى ميتة

ويقول إنها طارت كيف ياقاضى؟؟

قال القاضي : هل تؤمن بالله

قال صاحب الدجاجة : نعم أؤمن بالله **

قال له القاضي : ( يحي العظام وهى رميم)
قم مالك شي



جيبوا المدعي الثاني


*

فجابوا اليهودي وقالوا هذا يا قاضى فقع عينه راعى الدجاج

فجلس القاضي يحوس ويفكر ويطلع وينزل,,,,,**

فقال القاضي لليهود : دية المسلم للكافر النصف يعنى (نفقع عينك الثانية**

علشان تفقع عين وحدة للمسل)> (راعى الدجاج )

فقال اليهودي : خلاص أنا أتنازل ماعاد أبى شي منه

فقال القاضي : عطونا القضية الثالثة *


*

جاء ولد الشايب اللي توفى وقال : يا قاضى هذا الرجل نقز على أبوى وقتله **

فكر القاضي وقال : خلاص روحوا عند المنارة و تطلع أنت يالولد فوق وتنقز

على راعى الدجاج**

فقال الولد للقاضي : طيب وإذا تحرك يمين ولا يسار يمكن أموت أنا

قال القاضي : والله هذى مو مشكلتي ، أبوك ليش ما تحرك يمين ولا يسار؟؟؟؟؟؟؟؟؟؟؟؟؟؟؟؟؟؟

*

*

*

* مايستفاد : مهما جبت العيد ومهما كانت الجريمة بشعة ، هناك دائما من يستطيع

اخراجك منها مثل الشعرة من العجين








الا وهي






الواسطة

احلام بنات 04-18-2011 07:18 PM

رد: ماذا تعرف عن؟؟؟؟
 
هههههههههههه

والله من جد

لازم من الواسطه في كل شي


مشكوره

*ام خالد* 04-18-2011 10:00 PM

رد: ماذا تعرف عن؟؟؟؟
 
روعه مره تسلمين ياغاليه على هذا الطرح الجميل

كل الشكر لك مني يالغلا

تقبلي مروري

كبرياء الورد 04-18-2011 10:19 PM

رد: ماذا تعرف عن؟؟؟؟
 
ههههههههههههههههه روعه
يسلمو ياعسل


الساعة الآن توقيت السعودية الرياض و الدمام و القصيم و جدة 02:40 AM.

Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.


Search Engine Optimization by vBSEO 3.6.0