ازياء - فساتين سهرة و مكياج و طبخ - تسولف لي عن الضيقه؟؟؟

- ادب و خواطر (https://fashion.azyya.com/40)

- - تسولف لي عن الضيقه؟؟؟ (https://fashion.azyya.com/240970.html)

تسولف لي عن الضيقه؟؟؟

تسولف لي عن الضيقه وانا كلي ألم وأحزان

وأنا من وين ماناظر بعيني شفت ضيقاتي

تسولف لي عن الضيقه وأنا عنوان للحرمان

دخيلك لا دخيل الجرح لا تكشف معاناتي

دخيلك لا تشجعني أسولف وأكسر الكتمان

تعبت من السكوت اللي تعود يسكن بذاتي

عليم الله مافيني شبر يضحك فرح وأشجان

وأنا لو جيت ابضحك لك أجيك أضحك بدمعاتي

حياتي شعرن وشاعر وجمهوري بقايا انسان

ونقادي زمن قاسي ولا يفهم كتاباتي

أناظر للبشر حولي أحد يضحك أحد طربان

وأنا صعبن علي أضحك أسايرهم بضحكاتي

عجزت أكذب على نفسي بفرحه ما بها ألوان

وحزني ما عجزعني بدا يرسم نهاياتي

طريقي صعب وجروحي كثير وداخلي ضميان

أبي لو يوم واحد أحاول أجمع شتاتي

أنا قصه تبعثرت وتطايرت بزمن خوان

تعلمت أخسر البسمه وأداري عضة شفاتي

أبكتب لك وبالخط العريض وريشه الفنان

أنا الخسران توقيعي وانا الخسران بصماتي

أكمل لك عن الضيقه اكمل لك عن الأحزان

تأكد لو بكمل لك تصيح وتطلب سكاتي

لكم وحبي ولكم تقديري
ام خالد

رد: تسولف لي عن الضيقه؟؟؟

روعة تسلم الأيادي

رد: تسولف لي عن الضيقه؟؟؟

صح لسانك
كلمات تمس الوجدان و تحاكي نبض القلب
مشاعر مؤثره ورائعه تعبر عن واقعنا بكل تفاصيله
يسلمو يا الغاليه

رد: تسولف لي عن الضيقه؟؟؟

تسلم اناملك الذهبيه بجد راق لي وعجبني ...كلماتك رائعه واحساسك اروع

رد: تسولف لي عن الضيقه؟؟؟

.
.

حروف طرزت بمداد من ذهب
أحاسيسك لا يشبهها أحد !!
فصدقاً .. وجدت نفسي غارقه حد الثماله بين حروفك وسطورك فتنفسته عميقاً
.
طبتِ يانبض ترغد بالحب
...

تقبلي طلتي
آبار