ازياء - فساتين سهرة و مكياج و طبخ

تقهويتك سنين ولا نويت أهز ّ فنجالي
عليك الله وامانه لا تجيب العيد واهزّه

تحمّلت الجفا .. والهم مال .. وميّل عقالي
تنام وصاحبك يسهر طوال الليل ويحزّه

الا يا كم ّ دمحت لك الخطا يالصاحب الغالي
وحبك عاش فيني ما يشوف الذل واعزّه

معاذيرك كثيره في وصالي ضيّقن ّ بالي
أبيّن لك رضا .. وجه ٍ يجيك بحب ومنزّه

بعد ما قدر ّ الله صرت في حلي ّ وترحالي
ورايات القصيد اللي براس الشوق مرتزه

تسريّني هجوسي لين اسجّ المرقب العالي
واجر ّ الصوت بأشعار ٍ على المرقاب وتهزّه

رسمتك بالفضاء من حبر ليل وريشة اهلالي
تشوق البيد لمزونك ويهواك الضمى مزّه

واشوف بتالي الايام غرك ّ ما حصل تالي ..
ليا.. لديت عيني في عيونك ما بها .. فزّه

تجيني بالسهوله ما حشمت القلب وآمالي
غلاك اللي بصدري برخص الاثمان تبتزّه

حرام ان كان طيفك في دروبي دوم يبرالي
عليه امن الصدود بسيفها فالعنق وتجزّه

خلاص .. الله يديمك يوم كفك عاف فنجالي
وابهديك الفراق اللي يلزك بعد ويلزّه