ازياء - فساتين سهرة و مكياج و طبخ

رسالة من شباب 25 يناير

بتوع الأجندات الخارجية

أنا عن نفسى معرفش غير الأجندات الورق

عايزين يعتذروا بجد

بيقولوا إحنا آسفين

آسفين يا كل المسئولين

أصل احنا فعلاً غلطانين

آسفين عشان علّينا صوتنا

وخلّيناكم قلقانين

آسفين عشان الشعب كلّه

قال عليكم نصّابين

بتعيّشونا فى الحارات

وتحوّشولنا المليارات

علشان رصيدنا فى البنوك

يكبر ونبقى مرتاحين

ونعيش كمان مطّمنين

واللحمة طازة فى البيوت

والشغل مش محتاج شروط

وكل دا من غير مقابل

والكرم دا ملوش حدود

وبعد كل الإصلاحات

بنقول عليكم غشاشين

سامحونا دا احنا ندمانين

معلش غلطة يا مسئولين

آسفين ياإعلامنا الجميل

أما احنا ناكرين للجميل

عايزين راحتنا ف كل يوم

ونقول عليكم كدّابين

بتشغّلولنا التمثيلية

وتقولوا مصر دى ميّة ميّة

خايفين علينا من الحقيقة

وبهمومنا مشغولين

من قلبنا متشكرين

طب دا انتوا رمز المسئولية

والكفاح طول السنين

شكراً بجد متأسفين