ازياء - فساتين سهرة و مكياج و طبخ

صبآحُ المطَر والشِّعر

[ تنوِيهْ ]

أغمضُوآ أعيُنكُمْ وإقرأوه بِ قلوبِكُمْ

زماني .. والحظوظ العاثره .. والليل ياطولهْ

.......وانا وان هل بي مزن الاماني / شح يرويني

رصيفي لاتنادي للمطر بشفاه مبلولهْ
.......دخيلك إكتمه غيض الزمن لايسكن إبعيني

أحارب هالضنون الكافره بأطراف مشلولهْ
.......واقاسي غطرسة همي قبل آب.. / ي وتشريني

حسافه تستبيحين الغرق فالشعب يادولهْ
.......هقيتك تتركي مركب غرامي منك ينجيني

تعثر هالغرام إبخطوته يامثقل إحمولهْ
.......ودونه إبتدى | مِشوار حِزنٍ | صار ينهيني

دخيلك لاتزايد بالجفا ه..الروح مشغولهْ
.......سألتك جاوبه صرخة فؤادٍ فيك مبليني

علامك ماتروف بحسرتي ماتحِن ماتولهْ ؟!
.......ترفق واجبره خافق جريح إبطعن سكيني

تهاجر والفؤاد ابداخلي تتسابق إطبولهْ
.......نويت إبْ.. هجرتك تنبش قبور الهم تأذيني !

كذا تتركني إبدرب العنا يآحيف وشو له ؟
.......بدونك إسمعه صوت الثواني تكِ تكِ تكِ تكويني

تنادي هالاماكن للفرح ياشوقي إلْ زولهْ
.......| وحيد إبغربتي | طول الليالي من يسليني ؟

ذبحني هالسهر يامعذبي محتاج قيلولهْ
.......أقاسي هالسّهاد إبْ صمت فاضح مل يأتيني

تشابك هالانامل يايديني شبه مقتولهْ
.......ترجم هالغِياب | وحرف نون | ضل يحكيني

ولاني بالجفا بأبادلك .. ياأنتْ معقولهْ !!
.......باواصل بالمسير اقرب طريقٍ لك يوديني

وادوِّر ف السنين الغابره للجرح واحلولهْ
.......وطيفك ماترك لي أي فرصه قال يبغيني

زماني ياحظوظي العاثره : هالقلب إدعُوا له
.......تعبتك يالمسافه .. مات صبري : بس اعفيني