جوزي يحترمني ازاي
 

اختى الكريمه
احترام زوجك ليكى يأتى من احترامك انتى لنفسك
مبدأياً ... اذا كانت علاقتك بربنا صح كل شئ هيتصلح و دا الاساس
لو بتقيم الفروض فى ميعادها و بتذكرى الله كثيرا و القرآن معكى يومياً
سيرزقك الله الرأى السديد اللى يخلى زوجك يحترمك و ياخد رايك و يثق فيه
لان مفيش مشكله فى الدنيا ملهاش حل فى الدين بتاعنا
الحمد لله

تانى شئ التزمى ببعض التصرفات اللى ممكن تخلى الزوج يحترم مراته ذاء الزوجه بقى

1- لا تتدخلى فيما لا يعنيكى من اموره
(طبعا زوجك مثلا مثلا مش بيحبك تدخلى فى امور والدته او مشاكلها او اخته او زمايله فى الشغل او علاقته بالناس و اسلوب معالجته للأمور )
اذا تدخلتى كونى متطفله و لستى مسيطره

2- لا تعاتبيه باستمرار على اخطائه
(الرجل بطبيعته بيمل من الست اللى تقعد تلومه على اخطائه العتاب يسبقه مدح و بكون بابتسامه اختارى وقت يكون مزاجه رايق )


3- قللي من كلامك .. يعنى متتكلميش على الفاضيه و المليانه
(خلى كلامك بمناسبه .. و بحدود يعنى تجمعات العيله متكلميش كتير فى كل شئ يخصك و ميخصكيش .. اختارى كلام حكيم لا يختلف عليه الناس كثيرا .. اختارى مثلا اوقات يكون فيها الناس عايزه تسمعك مش انتى اللى عايزه تتكلمى )

4- لا تشعريه انك تائهه بدون رأي
(لما تيجى تستشيريه فى حاجه قوليله رأيك الاول و بعدين اسمعى رأيه .. حتى لو اختلقتى اى رأى بس يكون مناسب طبعا ... وهو يقولك رأيه ... و كده انتى بتوصلى له ... انا بحترم رأيك بس برضو انا كان عندى رأى وليا شخصيه.... بين السطور يعنى تتقرى كده )

5- لا تشتكى كثيرا (الشكوى الكتير تخلى الراجل يزهق منك ... و لو زهق منك مش هيحترمك .. ولو عايزه تشتكى اسبقى الاول بشكره على كل حاجه فى حياتك هو السبب فيها وبعدين قوليلى ناقصنا حاجه صغيره .. او حصل حاجه صغيره )

6- احترمى والدته جدا الى ابعد الحدود ولا تشتكى منها له
(الراجل مهما كان علاقته بوالدته ميحبش مراته تغلط فيها ... اوعى تشتكى منها بشكل منفر اشتكى زى ما قلنا ... واوعى تزعليها وخليها دايما تشكر فيكى ... حماتك يعنى امك التانيه )

7- حاولى تعرفى هو بيحب ايه و احفظيه وبين كل فتره و فتره اعمليه له
(كده يقول عليكى ذكيه و يحترم ذكائك جدا ... شوفى بيحب اكلة ايه او بيحب يشوفك لابسه ايه او بيحب يعمل ايه وبين كل فتره و فتره اعمليه متباعدين ... فترات متباعده ... علشان يحس انك لماحه و ذكيه )


8- اياكى والكذب ...اياكى ثم اياكى ثم اياكى
(الراجل لا يحترم الست الكدابه و لا يثق فى كلامها التزمى الصدق بكل انواعه )

يارب النصايح دى تكون لمت الموضوع ولو افتكرت حاجه تانيه ان شاء الله هضيفها
ربنا يارب يبلغك مسعاكى وتوكلى على الله يا اختى ... واتقى ربنا اوى
لانه من يتق اله يجعله له مخرجا و يرزقه من حيث لا يحتسب
ومن يتوكل على الله فهو حسبه هو بالغ امره منقوال

رد: جوزي يحترمني ازاي
 

رد: جوزي يحترمني ازاي
 

رد: جوزي يحترمني ازاي
 

يسلموووو كتيير