رد: خوذي مقابله مع اطفال عائلتكم وتعالي قوليلنا وش صار |روعه | ياليت يثبت الموضوع
 

رد: خوذي مقابله مع اطفال عائلتكم وتعالي قوليلنا وش صار |روعه | ياليت يثبت الموضوع
 

واو بصراحه الموضوع روعه .. ابداع .. و الحين دوري احم احم ..,, سحبت لكم اختي فطوم بالغصب عمرها 7 سنوات
و هاي الاجابات بالضبط :-

1/ وش تسوي إذآ صرت فآضي ؟
امم انام ..,,
2/ لو فزت ب 1000ريآل آيش تسوي فيهآ ؟
بلعب فبه يعني بفره على راسي جيه ما اعرف (( المجانين ههه ))
3/ وين ود تسآفر في آلآجآزه؟
لندن (( يا الاحلام ههه ))
4/ لو صرت مدير مدرسة شو بتسوي ؟
البنات الي يخالفون اظربهم بالعصاآآ
5/ تحبني يآ........ ؟ طيب ليش ؟؟
امم هيه لامج اختي (( والله مب منقلبها هههع))
6/ وش تبي تصير آذآ كبرت ...؟
ابا اكون راقصه باليه ((والله لو ترفه رجل طاحت على وجهها هههههههه))
7/ تحب آلمدرسه ..؟ طيب ليش ...؟
هيه ,, عشان اتعلم و اكون ذكيه (( امحقق ))
8/ إيش تعرف عن :
// آلأنسولين : شو يعني ؟؟
// آلإنترنت :اعرف انه اي لعبه اختارها يستوي (( هذا همهم ))
// مجلس آلشورى :شنو؟؟ ما اعرف ولا شي
// آلإتيكبت :ما اعرفه (( طيب وش تعرفي فحياتك ))
// آلصدآقه :ان لازم نحب الناس المسلمين (( مادري شو يخص هذا فهذا ههه ))
// آلحب : لازم نحب الناس المسلمين (( شكلها متدينه اختي هع ))
9/لو معك بلاك بيري وش تسوي فيه ؟بلعب فيه و بتصل على الناس المسلمين (( لا لا اختي فيها شي مع المسلمين هههههههههههههههههه ))



الله يعيني على اختي ..,, هههههههههههههه

رد: خوذي مقابله مع اطفال عائلتكم وتعالي قوليلنا وش صار |روعه | ياليت يثبت الموضوع
 

و هذا ولد خالتي بعد اسمه ميود ..,,
وش تسوي إذآ صرت فآضي ؟
العب مع اصدقائي ..,,
2/ لو فزت ب 1000ريآل آيش تسوي فيهآ ؟
بعطيهم حق الفقراء (( ماروم يا مسلم ))
3/ وين ود تسآفر في آلآجآزه؟
مالازيا
4/ لو صرت مدير مدرسة شو بتسوي ؟
اقوللهم روحوا نضفوا الساحه (( امحق مدير ))
5/ تحبني يآ........ ؟ طيب ليش ؟؟
هيه .. لانج تصرخين علي و انا احب اليصرخون علي (( نفسيه بصراحه هههه ))
6/ وش تبي تصير آذآ كبرت ...؟
شرطي
7/ تحب آلمدرسه ..؟ طيب ليش ...؟
لالالا .. لان اقوم بسرعه و مالي خلق .. و كل مرة يظربونا و كله ازعاج ..,,
8/ إيش تعرف عن :
// آلأنسولين : شو يعني
// آلإنترنت : هو ذكي و يطله لنا كل شي (( لا يا شيخ ))
// مجلس آلشورى : مجلس الشيخ زايد ؟؟ (( يا مخ ))
// آلإتيكبت :لا؟؟
// آلصدآقه :تعتبر ولد و ولد و يكونون اصدقاء
// آلحب : شي عييب ههههه
9/لو معك بلاك بيري وش تسوي فيه :
باتصل فيه

رد: خوذي مقابله مع اطفال عائلتكم وتعالي قوليلنا وش صار |روعه | ياليت يثبت الموضوع
 

هههههههههههههههههه فديت البراءه انا


راح اصيد لكم من عيال الجيران وارجع

رد: خوذي مقابله مع اطفال عائلتكم وتعالي قوليلنا وش صار |روعه | ياليت يثبت الموضوع
 

يالبى يالبى المقبلات اللي كل مقابله احلى من الثانيه طبعا مو انتم اطفالكم خخخخخ امزح كلكم تهبلون

طيب ثلوجتي جيبي كل حارتكم هههه

بصراحه احترت كل المقابلات روعه امم نسوي تنافس ولالا