ليه وقفات الصداقه.. مالقت فيكم اصيل؟؟؟!!
 

السلام عليكم ورحمة الله وبركات

كيفكم ياحلوين ان شاء الله بخير



مالنا لاثار موج الهم وإشتد إندفاعه
غير دعوة رب هذا الموج والخافق ذليل



نوب (نضعف) لا غزانا الهم وأتعبنا شِراعه
نفقد الحِكمة ونبحر بالأسى من دون (حيل)!


ونوب (تِفقِدنا) المصايب من بلاويها الشجاعة
ونوب نخوات الشجاعة (ترمي) الخافق قتيل



عايشين بطيب عيش ونشتكي (ظُلم المجاعة)!
في مظاهرنا (سكون) , وفي مخابرنا (فتيل)!


نشتكي ونقول: جرح الوقت يا كبر إتساعه
و(الحقيقة) لاتمايل هالزمن [ قمنا نميل ]




ماخذتنا هالليالي .. بين أياديها (بضاعة)لين جيناها (عروض) .. وسعرنا جداً قليل


إن (وقفنا) ماوقفنا .. غير في [ وجه الجماعة ]
وإن (جلسنا) ماجلسنا .. غير عن [ فعل الجميل ]!




وإن (حكينا) ماحكينا .. غير ب[ فلان ] ومتاعه
وإن (سكتنا) ماسكتنا .. غير عن [ حق ودليل ]!!


تشتكي منّا (أخوّة) .. أصبحت وهم , وإشاعة
(ليه) خليتوا جروحي .. من (فعايلكم) تسيل؟!



وتشتكي منّا (صداقة) .. أصبحت زيف وصِناعة
(ليه) وقفات الصداقة .. (مالقت) فيكم [ أصيل ]؟!


وتشتكي منّا (مبادي) .. مالقت منّا شفاعة
حقّها (مُجحف) وفينا [ مالقت ] درب وسبيل..!



هالزمن لو مايطيعك طاوعه و(إحذر) خداعه
نوب [ تغرينا ] ملامح , وسطها (وجه ٍبديل)!


و[ الشقا ]وإن طال غيمه .. تالي الغيم (إنقشاعه)
ماخبرت الغيم (يبقى) .. في سمانا لو يخيل



و[ الوجع ] موجود طبّه .. بس يحتاج ل(مناعة)
والمناعة (حزم قلب) , (وصبر) , مع قلب ٍ(يشيل)!


و[ الزمن ] وإن زاد قسوة .. يبتسم لك لو ل(ساعة)
وإن تبسّم لو لساعة (إحمد الرب الجليل)



إبتسامة (عقب دمع ٍ) .. حرّق الجفن إلتياعه
[ خير ] من دمع ٍ (فقد ضحكات) من وقت ٍ طويل!


بإختصار: (إرضى) بواقع دنيتك وإقبل سماعه
و( اقتنع ) بأحكام وقتك لوغدى قلبك عليل..!<



منقول
:0152:ويا الله حبايبي استنا ردودكم ربي يسعدكم:0152:



الحياه رائعه بمن نحبهم.....

فهل يعلم من نحبهم أنهم روعة الحياه.......

رد: ليه وقفات الصداقه.. مالقت فيكم اصيل؟؟؟!!
 

رد: ليه وقفات الصداقه.. مالقت فيكم اصيل؟؟؟!!
 

يسلمو يابطبوطتي

رد: ليه وقفات الصداقه.. مالقت فيكم اصيل؟؟؟!!
 

كلمات رائعة
مشكورة

رد: ليه وقفات الصداقه.. مالقت فيكم اصيل؟؟؟!!