ازياء - فساتين سهرة و مكياج و طبخ - فكره للنقاش للطفشان

السلام عليكم ورحمة الله وبركاته
.
.
.
هذا الموضوع مو قوانين جديده للقسم

ولا هي قضيه تحتاج نقاش ...

هي بإختصار ...

(( دعوه لتغيير فكرتنا عن المواضيع التي تطرح للنقاش ))

اكيد بتسألون اللحين وش ممكن تكون مواضيع النقاش اللي بنطرحها ...؟

وليش بنغير اصلن خط سيرنا ....؟

اول شي ملينا من نوعية مواضيع النقاش اللي نقلها من المنتديات الثانيه

وبالنهايه نمر على كل المنتديات ونلاقي قسم النقاش موحد بالمواضيع والافكار

هل يوجد حب أول وثاني << موضوع مغبر

الصداقه بالمسن تعتبر خيانه << بالله

هل يوجد صداقه بين الشاب والفتاه ...

ملينا ... وصرنا مانحب نمر على قسم النقاش لإننا عارفين مسبقاً

وش نوعية المواضيع

وحتى طريقه الطرح نقلها مثل ماهي مافيها اي نكهه تخص العضو

ولافيها اسلوبه البسيط اللي نحبه

بس من اليوم بنغير هالفكره وبنخط لنا طريق جديد

(( لمنتدانا الغالي ))

ادري بتسألون وشلون غير

اولاً ..

اي عضو يواجه مشكله لو بسيطه بيومه بس ضايقته
ويبي لها حل

ولايهمه عندنا الحل

يجي للقسم ويكتب موضوع ومانبي مقدمه ونهايه مميزه وخاتمه
تخص الموضوع

لو سطرين يكتبها العضو بس يقولنا عن اللي بخاطره

واحنا نقوله وش رأينا

ثانياً ...

قريت خبر من جريده او موقع ولا حتى بقسم من المنتدى

وعندك رأي معين فيه ودك تعرف رأي غيرك بشكل مفصل وبعيدا عن قسم الاخبار

تعالي هنا واقتبسه وقولنا رأيك فيه بكل راحه وبأسلوبك الخفيف البعيد عن التكلفه

ونجي احنا من بعدك ونقول رأينا وتناقش

ثالثاً ...

صارلك موقف معين بالدوام ولا بالمدرسه او بالجامعه ومحيرك وماتدرين وش تسوين

لاتحتارين. تعالي هنا ونزليه موضوع واحنا بنقولك وش بتسوي ولايهمك

رابعاً ...

صديقتك صار معها موقف و ودك تساعديها تعالي وخلينا نشاركك

طرح الحلول بمشكلته ونقول رأينا

يعني وبإختصار ..

نبي مواضيع خفيفه من اسلوبكم البسيط بعيداً حتى عن اللغه العربيه

يعني شعارنا نبيها بالعامي <<

واللي بنشوفه يكتب بالفصحى يحذف موضوعه

واللي بنشوفه يكتب مقدمه ونهايه بنعطيه باند<< خربتها

اتوقع فهمتوا علي وعلى فكرتي بس وشرايكم مو حلوه

وان شاء الله راح ابدأ لكم بطرح موضوع ينفس هالأسلوب عشان تتضح الصوره
اكثر

واللي راح نستفيده :

ان قسم النقاش بيكون مختص بأعضاء ازياء

يعني نفكر بصوت عالي

ونفضفض عن رأينا بأي شي بمشاركه الاعضاء ...

والاشياء اللي ودكم تقولون رأيكم فيها اكيد كثيره

سواء بالمجتمع .. بالتلفزيون .. برنامج غاثكم ودكم تتكلمون عنه بأسلوبكم الخفيف

ان شاء الله الفكره وصلت ..

واتمنى تعجبكم ونمشي عليها وراح نستفيد كلنا ع الاقل نقدر نفضفض

بمواضيع ماهي مقيده بشروط وقوانين

ان شاءالله مايكون مكر ر ومعذرة إذا كان ما نال اعجابكم

انا بإنتظاركم

لكم ودي