ازياء - فساتين سهرة و مكياج و طبخ

مرحبا يا صبايا ... هاي اول مشاركة الي بهاد القسم
انا بحب الطبخ كتير ... وبما اني نابلسية حبيت اشارككم طريئة تحضير المدلوئة النابلسية لانها سهلة وبسيطة وسريعة وطيبة كتير

:7_13_16[1]::7_13_16[1]:

المكونات:
1. مكسرات مختلفة مكسرة او مطحونة خشن حسب الذوق ( فستق حلبي, كاشو, لوز, فستق سوداني,صنوبر, بندق) كمياتها حسب الرغبة وانا شخصيا بكتر فستق حلبي
2. عبوتين قشطة نستلة او قيمر
3. معلئتين سمنة او مرجرين
4. نص كيلو عجينة كنافة ناعمة يفضل تكون طازجة بتشتريها من محل الحلويات وما تكون مبردة لان بيقل من نكهتها
5. قطر (كوب ونص سكر وكوب ونص ماء ) كمية السكر تساوي كمية الماء لحتى يكون قوامو مناسب
ممكن اضافة ماء الزهر او الورد للقطر بس انا بالمدلوئة بفضل عدم اضافتهم

التحضير:
1. بندوب المرجرين او السمنة بمقلاه غير لاصقة ونضيف لها العجينة ونقلبها باستمرار على درجة حرارة متوسطة حتى يتغير لونها الى الذهبي
2. نوزع العجينة المحمصة في صحن التقديم وهي دافئة ونضغط عليها حتى تتماسك
3. نضيف على العجينة جزء من القطر لترطيبها ونراعي توزيعو على كاملها
4. نترك العجينة لتشرب القطر
5.نوزع القشطة على وجه العجينة ونغطيها بالكامل
6. بنسئيها بئية القطر (لو شفتي القطر زيادة مو مشكلة العجينة كل ما بردت بتشربو)
7. نوزع المكسرات بعد ما نكسرها بالهاون على وجه الطبق وممكن نضيف زبيب ازا بتحبو

وهيك بتكون المدلوئة جاهزة .. بتمنى انها تعجبكم
بتئدم باردة وسخنة

بدي اشوف اديه عجبتكم جربوها وبعدا قيموني