ازياء - فساتين سهرة و مكياج و طبخ

أسامحك ؟

اشلون أسامحك ؟

وأنت ياللي عن حبي وحناني تخليت

وبعت اللي مضى من حب وتناسيت

وجاي الحين ندمان وتقول لي ياليت

وانت أجرمت فيني بهجرك وتماديت

اشلون أسامحك وأنسى اللي سويت

مع اني وانت شاهد ياما وياما عطيت

وانت عارف اني عشانك ضحيت

اشلون أسامحك ؟

وأنت رحلت من غير ماتقول لي سلام !

والحين بكل سهوله تبيني أسامحك والسلام !

اشلون أسامحك ؟

وأنا ذقت المر في منامي بسبة غيابك

وذابت جفوني من كثر البكا عليك

ومرت علي أيام كنت أنا أحتاجك

ورحت وسألت عنك وعن حالك

وترجيتك وللأسف ولا على بالك

اشلون أسامحك ؟

وأنت خيبت ظني بعد ما وثقت فيك

وتركت فيني جرح عميق الله يكافيك

والحين تبيني أسامحك ؟ روح الله يخليك

اشلون أسامحك ؟

وأنت وعدتني ماتخلى عن وتنساني

وحلفت بالله ما تنسى حبي وحناني

وعاهدتني بالله انك تعيش في زماني

اشلون أسامحك ؟ قلي اشلون ؟

تجاهلت معاناة الجروح وثقت فكلامك كل هذا من غلاك

وقلت هذا حبيبي مايسويها و رفعت مقدارك فوق مستواك

وأعلنت للناس قصة غرامي وقلت لهم مايهمني أحد سواك

ياللأسف هجرتني وجرحتني وعيشتني أيام وليالي تايه بلاك

بس الحين اشلون أسامحك ؟ اشلون أنسى دموعي بفرقاك

لكن شفني أقولها لك اليوم مالك شي غير مر ذكراك

آآآآآه .... آآآآه ... آآآه .. آآه

اشلون أسامحه قولوا لي اشلون ؟

وهو جرحني في الصميم ياناس !

جرحني بلا رقه ولا احساس !

وفوق هذا تركني وراح وخلاني ألملم كل الجراح

لا وبعد نساني وباح بأسراري ليته ياناس ماباح

اشلون ياناس أسامحه ؟

وهو هان قلبي واستباحه !

وأنا للحين أداوي جراحه !

اشلون يجبر خاطري بعد ما انكسر ؟

اشلون يطلب حناني بعد ما اندثر ؟

اشلون أسامحه وجرحه بقلبي انحفر ؟

اشلون أسامحه قولوا لي اشلون ؟

وبعد ماجرح قلبي تركني ورحل

تحريته يتصل بس للأسف ما اتصل

آه ياناس و جروحي عيت تنفصل

ما ادري ياناس وايش اللي حصل

ما بسامحه وحتى شوفته ما أحتمل