|
رمضان على الابواب مع بعض هانستعد لشهر رمضان يلا مين معايا ...
http://www.kazamiza.com/lopez/bsmsla/147.gif
اهلا يا ابنات طبعا شهر رمضان كلنا بنهتم بيه جدا وبنحاول نعدى الشهر ده على خير وطبعا احنا خلاص قربنا اوى فاضل شهرين بس طب هنعمل فيه ايه بقى طبعا بنصرف فيه كتير اوى وبنخرب الميزانيه خالص وكمان العزومات ياخبر مصاريف جامده وكمان بنحتار فى الوقت عايزين نوفر الوقت علشان نهتم فيه بالصلاه والجانب الدينى وكمان بنحتار نعمل ايه اكل كل يوم والحلويات وغيره ياه ياخبر حاجات كتير اوى صح علشان كده انا عملت الموضوع ده كلنا نفيد فيه بعض ازاى نوفر فى طلباتنا وكمان نساعد بعض فى اننا نعمل جدول للاكلات للشهر تفيدنا وتريح علينا وكمان نفيد بعض فى اننا ازاى نوفر وقتنا فى المطبخ يلا انا عايزه تفاعل كبير منكم وكل واحده تدخل تفيدنا بمعلومه مهمه تساعدنا ازاى نحضر للشهر الكريم ده وكمان لو فيه اكلات حلوه اهى تساعدنا وكمان نوع فى الاكل استنونى هاقولكم ازاى نستعد للشهر الكريم ده ونوفر مصاريفه ازاى وكمان جداول الاكل هاستنى مشاركتكم كلكم وكمان التقيمم والدعوه الحلوه |
رد: رمضان على الابواب مع بعض هانستعد لشهر رمضان يلا مين معايا ...
انا قبل رمضان بجيب البلح وافصه كله واحطه في التلاجه
وكمان بجيب السنبوسه واعملها واحطها في الفريزر واطلع منها علي التحمير والفول انا بعمله في البيت نحاول نخزن الحاجات ال تنفع وتساعدنا فى تجهيز الاكل بسرعه زى الخضار بكافه انواعه اللحمه المفرومه نعصجها ونشيلها فى الفريزر الطماطم نسبكها ونشيلها على اد الاكلات البصل والثوم نفرمهم ونخزنهم الفراخ لبانيه نتبلها ونحطها فى البقسماط ونشيلها الكفته نعمل كفته الرز ونحمرها ونخزنها وكمان الكفته المشويه اللحمه نسلقها ونشيلها فى الفريزر مع شوربتها نشتري لوازم الشهر الفضيل كلها ونحطها في مكانها اعمل جدول لاكل اليوم مثلا السبت: شوربة, سلطة , كباب, ورز مع صينية دجاج , مهلبية /الاحد: شوربة ,سلطة ومخلالات. سمك ورز.زبادي .كريم كراميل من غير البقلاوة وزنود الست والعصائر والمكسرات دي بقة في اليل واقسم مصروف البيت الشهري اربع اقسام كل قسم اضعة في ظرف واستعمل المصروف الي في الظرف لمدة اسبوع ولا امد يدي على الظرف الثاني حتى لو احتجت والحقيقة الكلام كثير نحفظ السمك الفيليه بعد مانتبله او الجمبرى نتبله ونحفظه فى الفريزر نحفظ خضره المحشى نغسلها ونسيبها تنشف ونقطعها ونكيسها على اد الاكله بصوا بقى اولا احنا نجمع الافراد على اد مانقدر يعنى مره عزومه لاهلك ومره عزومه لاهله يعنى تجمعى الافراد كده ثانيا حاولى توفرى شويه فى اصناف الاكل اولا الكل عارف ان معظم الناس اكلها بيبقى ضعيف فى رمضان بسبب الحر وبيبقى همنا الاول والاخير المشوربات صح فليه بقى نزود فى الاكل ثالثا اللحمه المفرومه بجد موفره جدا فى العزومات يعنى بتنفع فى كل حاجه الصوانى الكفته سواء المحمره او المشويه بتبقى بجد حاجه تشرف رابعا تعملى مثلا صنف او صنفين من اللحوم بس مش اكتر من كده خامسا الاكل ال هيفيض من العزومه هيبقى فطار ليكى ولولادك لليوم التالى طبعا لازم توفرى شويه سادسا اهتمى بالعصاير والشوربات والسلطات وهتبقى عزومه تحفه بجد من غير اسراف سابعا تعملى الحلويات فى البيت اهو توفير ونضافه يعنى صنف ولا صنفين كفايه اوى لو عدد الافراد كان كبير شويه ولو كان قليل كفايه صنف واحد الفواكه تجمد بالفريزر كما هى الفراوله والجوافه والمشمش والخوخ نزع النواه ونكيسهم وعلى الفريز على طول ولما نحتاجهم نطلعهم وعلى الخلاط مع السكر المانجا نقشرها ونقطعها شرائح ونكيسها على طول ولما نحتاجها نطلعها ونعملها عصير البرتقال نعمل منه عصير بدون اضافات ونكيسه فى الفريزر ولما نحتاجه نخرجه ونحط السكر ونعمله عصير على طول وكمان المشمش والتين نحفظهم فى الثلاجه على طول المشمش يا بنات لما بيتعمل بالزبادي واللبن بيبقي روعة والفراولة كمان والجوافة عايزة اجيب لحمة مفرومة واعصجها للبشاميل والكفتة اتبلها واصبعها واشيلها في الفريزر وما تنسوش كمان كام ورقة جلاش وع الفريزر تنفع حلو او حادق والجلاش اللي بالبسطرمة والجبن والفلفل الرومي والزيتون بيبقي تحفة وعايزة افرز طماطم متسبكة واجيب نص لوبيا واسلقة واقسمه علي مرتين وفاصوليا بيضاء نص علي مرتين وبانية ويتبل ويتشال في الفريزر السمنه يابنات بتغلى خالص فى رمضان والعيد ياريت نحاول نشترى من دلوقتى الكميه ال هتكفينا فى رمضان وكمان تكفينا فى العيد علشان منشتريش وهى غاليه من تجميعى يتبع ويلا حطو افكاركو معى |
رد: رمضان على الابواب مع بعض هانستعد لشهر رمضان يلا مين معايا ...
نشترى كل شهر حاجات زياده تنفعنا بالذات فى الخزين زى المكرونه والزيت والسكر والسمنه والرز والفول والعدس وغيره
وكمان نخزن البطاطس على القليه بس وهقول ليكو ازاى نخزن البطاطس طريقة ممتازة ومجربة هاتى البطاطس الصحراوى الخاصة بالقلية وقطعيها صوابع وتكونى محضرة حلة وفيها ماء مغلى وحطى شوية خل ومتح وحطى البطاطس وخليها تغلى لمدة دقيقتين وبعدين حطيها فى مصفاه لغاية لما تبرد وعبى كل كيس على اد طاسة لان عند القلية بتوضع فى الزيت وهى مجمدة وفى زيت ساخن وغطى عليها بعد كام دقيقة تلاقيها فكت من بعضها وتتحمر عادى خالص جربيها لو فى كميه بسيطة الاول وبعدين ردى عليه بعد تجمدها واستعمالها وان شاء الله مش حتندمى .............................. .............................. .................. ممكن قبل رمضان باسبوع مثلا هاتي 2أو 3ك كنافة وقسميهم في اكياس علي حسب افراد عائلة وعلي الفريزر هاتي 2ك قطايف واحشيها مكسرات وعلي الفريزر وممكن تحشي جزء منها جنبة علي نعناع او جنبة وزيتون او جبن رومي او بسطرمة وشيلها جاهزة علي القلي اللحم المفروم هاتي وتبيليه للكفتة وجزء اخر للعصاج وعصجي وشيلي ممكن نجيب لحمة ونسلقها بس مش تستوي اواي تتقسم وتشال مع حبة شوربة ولما تيجي تطلعها حطيها في الخضار تكمل سواها تبلي البانية والفتيك يعني طلعيه علي البيض والبقسماط والقلي هاتي السمك ونضفيه وقسميه يلا ضعو ا افكاركو ولو قرأتو موضوعى قيموتى من الميزان وكمان لما تجربو الى قلت عليه قولولى انتو عملتو ايه اللهم بلغنا رمضان واعنا على حسن طاعتك |
رد: رمضان على الابواب مع بعض هانستعد لشهر رمضان يلا مين معايا ...
بصراحه انا كده زعلت
هو موضوعى مش عجبكم |
رد: رمضان على الابواب مع بعض هانستعد لشهر رمضان يلا مين معايا ...
الله يعطيكي العافيه غلاتي
موضوعك حلو جدا ان شاء الله البنات يتفاعلو معك عن نفسي الاعتماد كله على امي تسلم يدك |
رد: رمضان على الابواب مع بعض هانستعد لشهر رمضان يلا مين معايا ...
بس واضح انهم مش عاجبهم موضوعى
انا بصراحه استفدت منه كتير وعمل منه حجات كتير وحبيت هم يستفيدو مثل ما استفدت مشكوره على المرور الكريم |
رد: رمضان على الابواب مع بعض هانستعد لشهر رمضان يلا مين معايا ...
مشكوره ياقلبي
|
رد: رمضان على الابواب مع بعض هانستعد لشهر رمضان يلا مين معايا ...
شكرا على مرورك
|
رد: رمضان على الابواب مع بعض هانستعد لشهر رمضان يلا مين معايا ...
موضوع مفيد عجبتني كذا فكرة ان شاء الله اطبقها
|
رد: رمضان على الابواب مع بعض هانستعد لشهر رمضان يلا مين معايا ...
|
رد: رمضان على الابواب مع بعض هانستعد لشهر رمضان يلا مين معايا ...
موضوعك روعه جدا جدا جدا بس دا عايز ديب فريزر هو الفريزر ده ايه اوضه ههههههههههههههههه
الحاجه كتير فعلا لو فكرانالها هنلاقى نفسنا محتاجين ديب فريزر بس انا عندى فكره المكرونه بالبشاميل ممكن تتعان مستويه جاهزه فى الفريزر يعنى تطبخيها وتعان جاهزه تطل قبلها بيوم وتدخل الفرن بتبقى روعه وممكن البشاميل كمان لوحد ساده يتعان وقبل بيوم يطلع يفك ويتسخن وتحفه كانه دلوقت وكمان بعمل الكانيلونى وبعينه جاهز عالفرن برضه وبعين المحشى بس ورق العنب والكوسه والكرنب بس طول جربتهم والمبار كمان بس مش مطبوخين يعنى تطلع عالطبيخ وكمان ممكن الزبيب والجوز الهند والمكسرات فى الفريزر كمان توفير لوقت التكسير بتاعهم انا بعمل كده وبعمل كمان القطر الشربات بتاع الكنافه والقطايف والحلويات ده بعمله بكميه كبيره يعنى 2 كيلو سكر واتقله قوى واعينه فى برطمان بلاستك فى التلاجه محكم الغلق واطلع منه ولو محتاج خفيف اخف ولو تقيل احطه على طول بيقعد شهر ميجرالوش حاجه وطبعا كل اللى فلتيه بعمله من غير رمضان بس هو اللمحاشى والمكرونات والشربات اللى جديده وموضوعك رائع جدا جدا والله ولو افكار جديده هشارككم بيها والله :a5bdf2b232: |
رد: رمضان على الابواب مع بعض هانستعد لشهر رمضان يلا مين معايا ...
تسلمين واللهم بلغنا رمضان
|
رد: رمضان على الابواب مع بعض هانستعد لشهر رمضان يلا مين معايا ...
موضوعك رائع ومميز احنا قبل رمضان نجيب الرطب ونفرزة وعشان تختصري الوقت للحلويات اطحن بسكويت الشاي ونحطة في علبة كبيرة في الثلاجة واطحن السكر والله يبلغنا رمضان وحنا وياكم بصحة وعافية |
رد: رمضان على الابواب مع بعض هانستعد لشهر رمضان يلا مين معايا ...
مشكورين ياحلوات
|
رد: رمضان على الابواب مع بعض هانستعد لشهر رمضان يلا مين معايا ...
شكرا على مجهودك حبيبتي في اشياء كثيرة اضعها بالفريزر
زي ماذكرتي اللهم بلغنا رمضان |
| الساعة الآن توقيت السعودية الرياض و الدمام و القصيم و جدة 01:35 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.