ازياء - فساتين سهرة و مكياج و طبخ - الشاعر الكظماوي.. تعلمت منك درس جداً جديد

تعلمت منك درس جداً جديد
بس درس كلش صعب ما ينشرح
ال ينذبح مو ركبته تحزهه سيوف
بس الي يعوفه حبيبه ينذبح
وغلط كل انسان يحجي اعلى الجروح
وهوه موكلمن يحب يملك جرح
جرح غيري وداعتك ساعه ويطيب
وجرح ما يشفى لأن كلي ملح
الجرح مو بالجسم لا مستحيل
بالمشاعر والمشاعر تنفضح
ممكن يصحلك محب كلش بعيد
يحزن لحزنك ويفرح بالفرح
وممكن يصحلك عدو منك قريب
قاسي ويشوفك مأسي موسمح
ولا تصدك باي بشرلو مو رقيق
لو سجينة يطلعله لو رمح
ولا تدك باب تندم بالاخير
وهوه مو كل باب يندك ينفتح
هو بثاني يدك ويضحك عليك
وياحمامه تطير من تفكد جنح
لا تركب جنح مو مستواك
غير ابن فرناس كبلك ما نجح
بقلمي الشاعر الكظماوي