ازياء - فساتين سهرة و مكياج و طبخ - الاميرة كيت على طلاق وليام لها ....![ترجمة سعودية ]

بسم الله الرحمن الرحيم

اخباركم يا عضوات ازياء ان شاء الله مناح
وانا اتصفح المنتدى اعجبني موضوع بصراحه وحبيت انقلهم لعيونكم هع
شوفو وش رد كيت على وليام يوم طلقها ههههههههه
ركزو ترى

[ الترجمه سعوديه ] هع هع

بعد زواج دام لخمس اسابيع تم طلاق زواج القرن===> المصدر صحيفة سبق

/
/

صرحت الاميرة كيت بالاسباب الحقيقية لطلاقها من الأمير وليام قائلة

اسمعن ياحريم هذا الرجال وليام عسى الله لايلم له قرش
انا اللي رافعه عليه قضية الخلع
وطلاقي منه ماعليه الحسايف

اعترف اني يوم تلصقت به كنت داخله على باب طمع فيوم اني وافقت عليه..
قلت ها بتتحق احلامي التسويقية واكشخ قدام خوياتي وبنات جماعتنا بأمير مزيون

مير اكتشفت اني طبيت في واحد قعيطي بخيل درجه اولى

تخيلو قدام العالم كله قام يلبسني خاتم امه ~~~>ليلة كامله ندور عليه في المستودع

ويوم العرس سويت مكياجي بنفسي لأن اليزابيث رفضت تخليني اروح لمشغل اتمكيج واتميلح زي خلق الله
~~~> عجوز قريح
~~~>ماغير رحت لسوق من ورا اهلي وشريت بودرة وكحل واستشوار سيراميك
~~~> بطلعت روح كملت غريضاتي

ومثل مانتو شايفين ركبوني اهل زوجي سياره ياقدمها مغبرره
قالو ايش إحياء تراث..ياكذبهم بس مايبون يدفعون قيمة البنزين
رغم اني كنت قايلة له استأجر لنا مرسيدس اذا منت قادر تجيب قيمتها
فعصب وقال؛ ايه والله وتطورت منفوحه او تمدنه حميده
انسي هدية الأي فون وكله من سوالف خوياتي في البي بي
~~>على طول قام ألغى خدمة البلاك هالنذل

أما جدته وعماته اقولها لكم وبصراحه انهن يفشلن وبقوة
يوم العرس مدري وش فيهن لابسات ملابس يلبسنها في كل الزواجات

وبعدين كنت طالبتة يجيب الطقاقة موضي الشمراني والا العنود ورفض
او منيره البخيت من بخت حظي الردي

انا وهالرجل بعاطل جلده أقشر اصفر رافض يقدم على برنامج حافز
ويلبس بذلة عسكرية يوم عرسه>>حسباله رايحين ساحه حرب
وطول ايام شهر العسل يتطنز على ركبي يقول وشفيهن سود...>>جزء من النص مفقود مراعاة لشعور السعوديات

جعله الماحي اللي يشيله هو وصلعته ولا فرحان فيها بعد
والله راح افضحه ذا الاحمر العطر؟؟؟؟
وذبحوني بأمه كن مافيه حرمه بالعالم الا هالحرمه
يالله لك الحمد والشكر مثل دجاجه منتوفه

قالو ايش زواج اسطوري
الا ياعساها من ليلة لا تعود

انتظر طلتكم الحلوه