ازياء - فساتين سهرة و مكياج و طبخ - الجرح يكبر والناس معي مشغوله

الجرح يكبر معي والناس مشغوله !!

الجرح يكبر معي والناس مشغوله ..
واللي ابيهم مشوا واحد ورا الثاني ..

الليله ياطولها .. والدرب ياطوله ..
وإلي ورايه احس انه تعداني !!

الوقت لامن تغير هذي فعوله..
إما لعب لعبته وإلاتحداني ..

ابواب إمقفله ودروب مهجوره ..
وإذا تبي كل حاجه (لازم تعاني ) ..

كلام ابقوله لكن مقدر اقوله ..
اشياء في خاطري توقف على لساني ..

غلطه ومن صاحبي وأقول مقبوله ..
مره علشانه .. ومره على شاني ..

والمشكله لو تطول شوي محلوله ..
عشان مايشمت القاصي .. ولا الداني ..

تكفون وانتم اليا شفتوه قولوله..
اني عزه كثر معزة اخواني !!..

معقوله ينساني ؟؟ لا ماهي معقوله ..
حتى الشعر وقتها ماراح ينساني ..

فله حجاج وقصيد وصوله وجوله ..
يعني متى ماتذكر شي يلقاني ..

ماشلت هم الشكوك الدايره حوله ..
والا الخوي لاتردى قلت : يفداني ..

مرات احس اني حاكم تنقصه دوله !!..
ومرات مدري من ينقص الثاني !!..