ازياء - فساتين سهرة و مكياج و طبخ

لا وصل صوتك حزين يصير لي هم وقضيه=لعنبو حزنٍ بصوتك لا انتثر بين الحنايا
صار مالي عن مقاوم دمع عيني مقدريه=حيل لا اسمعته حزينٍ قلبي اتفجر شظايا
حزن صوتك لا كساني ينقلب همّه عليه=ألبس الأسود ويغمر هالحزن كل الزوايا
ليت هالفرحه بيّدي .. حبلها ازمامه بيديّه=غير لأقرنها بعمري لك واقدمها هدايا
وليت لي قدره وأخلي هالسعادة مبتديه=وانشلك من حزن صوتك لإبتسامات الروايا
والله انه لو بيّدي ما أسأله هذا وذيه=الحزن للغير وانتَ كل فرح ٍ بك معايا
انتَ لو تبغى عيوني شفت لك عيني شويه=حتى لو تبغى حياتي خذها يا كل البرايا
يا بعد عمري تفضل خذني ( هه ) كلي هديه=من شعر راسي لساسي مع تفاصيل وبقايا
ساطيٍ حبك بقلبي ما انخلق بالكون زيه=لا تمثل به بمسرح ..ما انكتب سطر بحكايا
يا رجل..وشهي حياتي يوم جيت انت بعينيه=جنة الفردوس تاخذ سحرها وبعض المزايا
منك الكون بعيوني بك تحوّر مزهريه=من تحت رجلي ورود وبالوَرِد تمطر سمايا
والله بحقك قليلة لو أقدم روح فيه=والسعاده لو أقدم ما أظن انها كفايا
ذايبه روحي بحبك والله ذابت بك بنيه=يا رجل حتى نظيرك ما هو زيك بالمرايا

تحياتي

عاشقة الماضي