ازياء - فساتين سهرة و مكياج و طبخ - .... سهرت الليل من كثر الهموم وكثر التفكير

جديده لعبتكًٍ هذه رجوعكًٍ ليه آبي آفهم
ترى ماجيت في وقتك آنا مو حاسب احسابك

نسيتك او تناسيتك دخيل الله لا تهتم
وابشرك وجه احزاني ضحكلي وانقفل بابك

بسيطه جات من صالح حياتي طعنتك للعلم
قريتك واستفد قلبي من المضمون بكتابك

تعلم قلبي من ايدك على كل مامضى يندم
زرعتك شوق اتحرى حظورك واثمر غيابك

تحملتك ولكنه جبرني الجرح اتكلم
خيانه شفتها منك عطرها تارس ثيابكًٍ

بنيتك حب في قلبي ولكن حظرتك تهدم
كرهتك حيل صدقني وكل هذا من اسبابك

تقول آسف ويخلف الله بقى بوجه التسامح دم
اسامح كل شي إلا الخيانه ونشوة اعجابك

انا يالك اجي واحد يساوي في عيونك كم
ولا ما اجي عندك واغير ناتج احبابك

تجيني والندم واضح ولا اقدر اقولك سم
لأن الجرح من شافك تضايق وقال وش جابك

وإذا تحسبني برجعلك بلاش تفكر وتحلم
لأني مو مثل اول احقق رغبة أهدابك

قديمه لعبتك هذه وكفايه ما أبي افهم
ارجوك ابتعد عني انا مو ناقص ألعابك

سهرت الليل من كثر الهموم

سهرت الليل من كثر الهموم وكثرة التفكير
وقلت الخير في وجه الصباح بقدرة الرحمن
وتعبت من الصباح إلي يسمونه صباح الخير
وغنى شادي اللحن الجميل بعالي الأغصان
إلا ياطير ياعذب اللحن خل الغنا ياطير
ترى القلب الحزين يزيد حزنه بأعذب الألحان
وأنا بأعطيك مال وماملكته لك بلا تقصير
وبعطيك العهود الوافيه ما أنساك مهما كان
وبحلف لك على القرآن بوفا العهد ياطير
وأخذ مني كرم حاتم وعطني جملة الالحان
تعبت أمشي وأحث خطاي في درب الأمل للسير
وأنا عندي أمل السراب يزيد في النقصان
وعندي حسره في الجو معناها يعجز التعبير
وعندي ذاكره ياطير عيت تقبل النسيان
وعندي جرح جاء بين الضلوع العوج له تأثير
وله مس مثل مس العطش ياطير للعطشان
أنا ياطير أمني النفس لو عمر الأمل قصير
أعيش بعمره المحدود ياطير الأمل فرحان
تلاهيني تباشير الأمل وليا أنقطع ياطير
أعيش الحزن من واقع حزين وعاد للأحزان
صحيح أن الحياه حظوظ لك حظ السعد ياطير
نسيك الهم وفجوج السماء والأرض لك ميدان
عطاك الله جناح به على هام السحاب أطير
وقلب مايشيل الهم دايم للغناء طربان
وأنا كني سجين طال سجنه في رجاء التيسير
صدر في حقه السجن المؤبد ظلم وبهتان
أنا دنياي حطتني سجين (ن) بلا سجن ياطير
لفتني وأبعدتني وأجبرت قلبي على الهجران
على هجران دار من غلاه كل ماجاء عصير
أهيم النفس للشاء وتجبرني على العصيان
على هجران دار كنت فيها يوم كنت صغير
نشيت بها وعشت بها وفيها كني السلطان
هذا وقت مضى واليوم لله العجب ياطير
تغير كل شي وكنها دار (ن) بلا سكان

تحياتي

عاشقة الماضي