ياضيقه الخاطر
إلى متى يا " ضيقه الخاطر " على مجرى الوريد ......................ماعاد باقي من دمي قطره مهي مستوجعه ! انا دخيلك يا وفا قلبي تسافر بي بعييد ......................طموحك " الربان ".. وجروحك ب قلبي الامتعه ! وجه الزمن ماعاد يغري .. وانقفل بابالبريد ......................وانته " وفاي " اللي لو أخدع دنيتي ..ماأخدعه ! لا صارت الدنيا مصالح .. والوفا ؟ كم ف الرصيد ! ......................انو السفر يم الأمل وأفرد جميع الأشرعه بس البلا لا صارت أمواج " التعاسه " من جليد ......................وإن صاح جرحك مالقيت اللي يحن ويسمعه من لا يقدّر خوتي ..ف " أبرك سنه " فرقاه عيد ......................أما " الرفيق الغالي " إليا غاب .. خذ قلبي معه ! البارحه هبت هواجيسي ف صدري من جديد ......................سوالف ٍ تشره على قلبي ب حلم ٍ ضيعه لاهنت يا " جرح الزمن " حقق مرادك مايريد ......................أهديت للخافق جروح .. وهو رفع لك قبعه ! يا ويل حالي من شقى اللوعه ويا قطع الوريد ......................على آخر جروح الصداقه .. والطعون الموجعه قلبي " مصفي نيته " لو كل من حوله ضديد ......................يبقى ( الجبل ) مهما وطته الريح ماهي تزعزعه ! من طاح من عيني ماعاد يهم ينقص أو يزيد ......................اللي ينزل قدره ب نفسه .. هو اللي يرفعه ! " ريحت قلبي " من عنا الدنيا وانا اللي مستفيد ......................مادام قلبي مالقى في الوقت شي ٍ يقنعه .إلا رفيق ٍ يجبر الكسر .. وعلى الشده عضيد ......................هذا منى قلبي على الدنيا وهذا مطمعه أضحك لو أنا الضيقه اللي في الحنايا تستزيد ......................لين أقهر الضيقه وأخليها تفارق ف السعه ! .لا خانك الوقت الردي " وما لحديد إلا الحديد " ......................اللي شراك أهده وفا .. واللي خذل عهدك بعه تمشي المقادير ب هوى الراضي وتلعب ب العنيد ......................صدق اللي قال ان طاعك " الوقت الردي " ولا طعه ! العمر ب أيامه قطار .. وراكب ٍ سكةحديد ......................وتمر لحظاته مابين المحزنه و الممتعه كل الحياه دروس والدنيا عبر والمستفيد !! ......................اللي خذا من ( جمله الدنيا ) دروس ٍ تنفعه .,., |
رد: ياضيقه الخاطر
روعه الكلمات
يعطيك العافيه ياقلبو انتظر جديدك |
رد: ياضيقه الخاطر
طرح جميل جدا
مشكورة اختي |
رد: ياضيقه الخاطر
يعطيك
الف عافيه انتظر جديدك |
رد: ياضيقه الخاطر
https://www.r-mbd3.com/vb/uploaded/13371_01197199127.gif لحضوركم جمال ورونق أخآآآذ وجاذبيه لامثيل لها شآآكرة لكم تواجدكم واطرآآئكم بمتصفحي فلكم كل تقدير واحترام دمتم بحفظ الرحمن https://www.r-mbd3.com/vb/uploaded/13371_11197200135.gif |
الساعة الآن توقيت السعودية الرياض و الدمام و القصيم و جدة 09:02 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.