السلام عليكم
حبيبتي امج موافقه على انج تقعدين علشان
تشتغلين وتاخذ فلوسج ولا معارضه على هذا الشي
بعدين أختي تطمني على قد ما أقدر أقولج مافي أم بالدنيا
ماتمنى تشوف بنتها بالفستان الأبيض
و أبوج وينه حبيبتي وشنو رايه بهالموضوع :) ؟
وأخوج إذا كان أكبر منج فهو المفروض يتوظف !!
وإذا كان أصغر منج فكلميه وقولي له ليش ما تتوضف
وحاولي تكونين قريبه منه ؟
ولا تقولين هو قاسي معاي أو شي لأ
بأسلوبج معاه راح يلين قلبه بإذن الله
وأكيد في خطاب بالمستقبل راح يجون أنتي
لمحي حق أمج بس من بعيد لأن أكيد راح تستحين تقولين لها ؟
لمحي لها والحين لا تحاتين ولا شي ارتاحي وكلي امرج للرحيم
واذا جا الخطاب بالمستقبل ان شاء الله بهاذي الساعه
راح تبين نية أهلج بالنسبه لأمر زواج
اذا حسيتي انهم يستغلونج وجذي
كلمي امج وصارحيها ولا تستحين ولا شي
بس لا تقولين لها ماما انا بتزوج لأ ؟؟؟؟؟
قولي اخاف أعنس وقولي لها انا مالي غيرج
واخوي رجال ومصيره راح يتزوج
ترضينها علي وقولي انا لو أتزوج ولو أبعد عنج لوين
وين ماراح أقطع صلتي فيج وراح أضل اساعدج أكيد :) !!
وخليج باره بأمج لآخر حد بري فيها :)
وأكيد أمج لها سلطه على أخوج وراح تكلمه
بس أختي انتي الحين لا تشغلين نفسج ابداً ابداً
صدقيني مافي شي له داعي تحاتين علشانه !!
وهونيها وتهون ..
بس حبيبتي
اذا جا الخطيب وضحت نية أهلج كلمي امج وخليها توقف
اخوج عن حده هذا اذا مانفع معاه شي وأنتي يمديج لي مدة الخطبه ان تلينين قلب اخوج عليج
وحاولي تسوين له الأشياء الي هو يحبها
كلميه عن الأشياء الي تضايقج
وصدقيني راح تقدرين صدقيني بإذن الواحد الأحد
وألحين لا تهتمين لأي شي
بس كوني باره بأمج وقربي من أخوج واكيد اخوج
يحبج لأنه من لحمج ودمج ولو كان يبي ياخذ فلوسج
أسألي نفسج هل يتمنى لج الموت أكيد لأ تأكدي انه اخوج ويحبج
بس يمكن مايحب يقول هالشي أو يصارح فيه ؟؟
هذيل الشين الي أهم شي تسوينهم ألحين
لحد مايجونج خطاب ان شاء الله تلينين قلب اخوج وتقربين منه
وتبرين بأمج وتقربين منها ؟
ولاتنسين تقوين صلتج بربج صلي وصومي وأعملي بالسنه
واكثري من ذكر الرحمن وأقري القرآن وأقيمي الليل
وأدعي ربج بآخر الليل لأن ربج يكون على سماء الدنيا
وهو وقت إستجابة الدعاء
اتمنى أكون أفدتج وأدعيلي أختي :)
الله يوفقج ان شاء
في امان الله وحفظه