ازياء - فساتين سهرة و مكياج و طبخ - تعبت آنثر الخطوات وآجمع عناويني

- ادب و خواطر (https://fashion.azyya.com/40)

- - تعبت آنثر الخطوات وآجمع عناويني (https://fashion.azyya.com/260963.html)

تعبت آنثر الخطوات وآجمع عناويني

تعبت أضحك على دقن المسا وآقول بتجيني
.........تعبت أستدرج اللحظه وتهرب لحظتي ساعه

تعبت آنثّر الخطوات وآجمّع عناويني
.........تعبت أمشي على صدر الرصيف آكسر اظلاعه
هنا شفتك توادعني وضني بك تناديني.
........هنا مر الوعد والناس والشارين والباعه

هنا مر الحكي لكن عجز يقدر يحاكيني
.........هنا مر الغياب أسود وله نظرات خداعه

كبر فيني الحنين وشاب فرحي وانعمت عيني
.........واخذني الموت في حضنه وسماني من أنواعه

على ذاك الرصيف أصطفت أحزاني تعزيني
.........وانا آمنت بغيابك وخذت الصبر شمّاعه

عزمت الخوف ويا الأوف وقلت : الله يحيني
.........على واجب حزن قلبي وآهاته و أوجاعه

أنا دخّنت حزني لين ضاقت به شراييني
.........وآخر فرح فيني جا وقلّي هات وللاعه

أنا قبلك تغافلني العمر واستنزف أسنيني
.........وأنا بعدك رميت الحلم ، والتقويم ، والساعه

رد: تعبت آنثر الخطوات وآجمع عناويني

بوح رائع عزيزتي
جميل هو قلمك...

اسعدني ان اكون هنا
لاستمتع باقة حرفك

تقبلي مروري
طابت اوقاتك
دمتي بود

رد: تعبت آنثر الخطوات وآجمع عناويني

يسلمو يالغلا

رد: تعبت آنثر الخطوات وآجمع عناويني

يعطيك العافيه

رد: تعبت آنثر الخطوات وآجمع عناويني

أستوقفتني كلمات هذا الموضوع
أنتقاء مميز ورائعه
اشكركِ
ع روعة تميزكِ في طرحك
بأنتظار كل جديد..
تقبلي مروري..
آبار